पोखरा,१७ असोज- गण्डकी प्रदेशको राजधानी पोखरामा सोमबारदेखि सुरुभएको एमालेको प्रथम अधिवेशनमा प्रदेशको नेतृत्व लिन अध्यक्ष पदमा २ जनाको उम्मेदवारी परेको छ ।
अध्यक्षमा यस अघि अध्यक्ष रहेका नवराज शर्मा र केन्द्रीय सदस्य मायानाथ अधिकारीले आ-आफ्नो समुहनै बनाएर उम्मेदवारी दर्ता गर्नुभएको हो ।
म्याग्दीका शर्माको समुहबाट स्याङ्जाका मिनप्रसाद गुरुङ उपाध्यक्षमा सचिवमा लमजुङका धनञ्जय दवाडी उपसचिवमा कास्कीका दाम बहादुर विक र पर्वतकी मञ्जु अधिकारीले उम्मेदवारी दर्ता गराउनुभएको छ भने अधिकारीको समुहबाट उपाध्यक्षमा नवलपुरका बाबुराम विश्वकर्मा सचिवमा कास्कीका रश्मी आचार्य उपसचिवमा कास्कीकै मिना गुरुङ र म्याग्दीका सन्तोस रावलले उमेदवारी दर्ता गराउनुभएको छ । यसै गरी उपसचिवमा स्याङ्जाका अर्जुन कुमार सुंनामले पनि उम्मेदवारी दर्ता गराउनुभएको छ ।
सहमतीमा नेतृत्व चयन गर्ने नेताहरुले बताएपनि उम्मेदवाहरुले भने आ-आफ्नो समुह बनाएर चुनावी मैदानमा उत्रीएका हुन ।
शर्मालाई एमाले उपमहासचिव पृथ्वी सुब्बा गुरुङ र अधिकारीलाई स्थायी कमिटी सदस्य खगराज अधिकारीको समर्थन रहेको छ ।
दुई समुहमा बाडिएर उम्मेदवारी दर्ता भए संगै कार्यक्रताहरु आफ्नो पक्षका उम्मेदवारको प्रचारमा जुटेकाछन् ।
यसैगरी प्रदेश कमिटी सदस्यको लागि स्याङ्जाबाट खिम बहादुर थापा, डा.बुद्धिमान श्रेष्ठ, सुजन भट्टराई, चुनप्रसाद शर्मा,राम बहादर थापा,घनश्याम सुवेदी, देवी थापा, चन्द्र बहादुर राेकाहा, माेति प्रसाद पाैडेलले उम्मेदवारी दर्ता गराउनुभएको छ ।
विभिन्न पदमा एक भन्दा धेरै उम्मेदवारी परेपनि अजैपनि सहमतिको प्रयास जारी रहेको नेताहरुको भनाइ रहेको छ ।