विनुप्रसाद पराजुली

जब मेरो जि पि ए चार मा चार आयो 

मलाई सम्मान गर्न  नगर सरकार आयो

छात्रवृत्ति दिन कलेज घरै आयो

हिजो सम्मान पत्र बोकि अखिल आयो

आज खादा बोकि ने बि संघ आयो

प्रदेश र संघीय साम्सद को बधाई आयो

तर

मलाई त मात्र अतित को याद आयो।

बाबा आमा नै नचिनेको गर्भे टुहुरो

 खै तेरो बाबा भन्ने जवाफ को याद आयो।

किताब किन्न नसकि समय मा

सापटि लिएका किताबको याद आयो

ट्युसन पढ्न नसकेर गरीबी ले

साथि को कापि सारेको याद आयो

कापि र कलम जोहोको लागि

 काम शनिबार पारेको याद आयो।

माया गरेर क्याल्कुलेटर र जेमिति 

बक्स दिनु हुने हेड सर को याद आयो।

च्यात्तिएको ड्रेस सम्म नभएर

लाइन मा लुकेको प्रहर को याद आयो।

सम्मान  पुरस्कार कलेज अफरसबै पाउदा

 मैले नदेखेकि आमा को याद आयो।

सम्मान बोकेर नगर सरकार आयो।

जब मेरो जि पि ए चार मा चार आयो।

खसेका आसु का ढिका भन्दै थिए

यि हिजो आएको भए ,याद बार बार आयो।

लेखक ःपराजुली चापाकोट नगरपालिका एक मा रहेको भानु माध्यमिक विद्यालयका प्रअ हुनुहुन्छ ।