वालिङ,२७ जेठ- नेपाल प्रेस युनियन स्याङ्जाको अध्यक्षमा तोलाकान्त बगाले चयन हुनुभएको छ । वार्षिक साधारण सभा एवं नवौं अधिवेशनबाट प्रेस युनियनले बगालेको नेतृत्वमा निर्विराेध १५ सदस्यीय कार्य समिति चयन गरेकाे हाे।

समितिको उपाध्यक्षमा साधना न्यौपाने र गोपिकृष्ण रेग्मी रहनुभएको छ भने सचिव र काेषाध्यक्षमा क्रमस शंकर सुवेदी र हिमाल न्यौपाने चयन हुनुभएको छ।
यसैगरी युनियनले अधिवेशनकाे अवसरमा युनियनमा आवद्ध ६ जना पत्रकारलाई नगद र प्रमाणपत्र सहित सम्मान गरेकाे छ।

सम्मानित हुनेहरुमा प्रेस युनियनका केन्द्रिय अध्यक्ष शिव लम्साल र स्याङ्जा पत्रकार समाजका अध्यक्ष ईन्द्र रिजाललाई उत्कृष्ट पत्रकारिता पुरस्कारबाट सम्मानित गरेको छ । यसैगरी प्रेस युनियन स्याङ्जाका निवर्तमान् अध्यक्ष श्रीकृष्ण सिग्देललाई प्रेस युनियन पत्रकारिता पुरस्कारबाट सम्मानित गरेको छ भने खुमा अर्याल फाउण्डेसनद्धारा स्थापित कृषि पत्रकारिता पुरस्कारबाट हिमाल न्यौपाने,रुद्र जमुना शैक्षिक प्रतिस्ठानद्धारा स्थापित आर्थिक पुरस्कारबाट साधना न्यौपाने र प्रतिनिधि सभा सदस्य राजु थापाद्धारा स्थापित जोखिम पत्रकारिता पुरस्कार राम प्रसाद भट्टराई लाई प्रदान गरिएकाे प्रेस युनियन स्याङ्जाले जनाएकाे छ।