वालिङ,५ असार– वालिङ नगरपालिका–८ मिर्दीस्थित सिद्धार्थ राजमार्गमा टेलरको ठक्करबाट मोटरसाइकल चालकको मृत्यु भएको छ।

आइतबार साँझ मिर्दीबाट भकुण्डेतर्फ जाँदै गरेको से १ क ११८० नम्बरको टेलरले सोही दिशातर्फ गइरहेको ग १८ प ६२१६ नम्बरको मोटरसाइकललाई ठक्कर दिँदा दुर्घटना परि घाईते हुनुभएका मोटरसाइकल चालक वालिङ नगरपालिका–६ आमडाली निवासी ५५ वर्षीय विनोद अर्याललाई उपचारका लागि गह्राैँ प्राथमिक अस्पताल वालिङ लगिएकोमा साँझ ६:२५ बजे चिकित्सकले मृत घोषणा गरेकाे जिल्ला प्रहरी कार्यालय स्याङ्जाले जनाएको छ। 

टेलर चालक बैतडीको मेलौली नगरपालिका–२ निवासी २४ वर्षीय निरज चन्द सहित टेलरलाई नियन्त्रणमा लिएर वडा प्रहरी कार्यालय वालिङमा राखिएकाे र घटनाका सम्बन्धमा अनुसन्धान प्रक्रिया अगाडि बढाइएकाे जिल्ला प्रहरी कार्यालय स्याङ्जाका प्रहरी नायव उपरीक्षक रेमेश दत्त अवस्थीले जनकारी दिनुभयाे।