वालिङ,११ असार- वालिङ नगरपालिकाले आगामी आर्थिक वर्ष २०८३/०८४ का लागि झण्डै ९० करोड रुपैयाँको बजेट सार्वजनिक गरेको छ। कृषि, पर्यटन, पूर्वाधार विकास तथा सामाजिक क्षेत्रलाई प्राथमिकतामा राख्दै उपप्रमुख कविता तिवारीले २०औँ नगरसभामा बजेट प्रस्तुत गर्नुभएको हो।

नगरपालिकाले आगामी वर्ष शिक्षा, स्वास्थ्य, सडक, खानेपानी, सिँचाइ, कृषि तथा पर्यटन क्षेत्रका कार्यक्रमलाई प्राथमिकता दिएको छ। कुल बजेटमध्ये सबैभन्दा ठूलो हिस्सा सामाजिक विकास क्षेत्रमा विनियोजन गरिएको छ भने पूर्वाधार विकास दोस्रो प्राथमिकतामा परेको छ।

बजेटमा संघीय तथा प्रदेश सरकारबाट प्राप्त हुने अनुदान, राजस्व बाँडफाँड, आन्तरिक आम्दानी तथा संचित कोषको रकमलाई आय स्रोतका रूपमा समेटिएको छ।