वालिङ,१२ माघ- प्रमाण मिडिया गुरुप प्रा.लि ले वालिङबाट  साप्ताहिक पत्रिका संगै अनलाईन न्युज पोर्टल संचालनमा ल्याएकाे छ।

सत्य, तथ्य र प्रमाण एकैसाथ भन्ने नाराका साथ संचालनमा ल्याइएकाे सञ्चार माध्यम प्रमाण न्युज साप्ताहिक पत्रिकाको विमोचन र प्रमाण न्युज डटकम अनलाईनकाे एक कार्यक्रमका विच वालिङ नगरपालिकाका नगरप्रमुख कृष्ण खांँणले सार्वजनिक गर्नुभएको हो।

राज्यको चौँथो अङ्गको स्थानमा राखिएको सञ्चार जगतले देशका हरेक आन्दोलन र उपलब्धीमा महत्वपूर्ण भूमिका खेल्दै आएको नगरप्रमुख खांँणले बताउनुभयो । बढ्दो प्रविधिको युगमा सञ्चार जगत पनि प्रविधिमैत्रि बन्दै जानुपर्ने र समाजमा सत्य, तथ्य सूचना प्रवाह गर्दै नागरिकलाई सूसुचित गराउनुपर्ने नगरप्रमुख खांँणले बताउनुभयाे ।   

कार्यक्रममा नेपाल पत्रकार महासंघ स्याङ्जाका पूर्व अध्यक्ष ओमप्रकाश शर्मा, प्रेस चौतारी नेपालका पूर्व केन्द्रीय सदस्य हिमलाल पराजुली, जनपत्रकार महासंघ केन्द्रिय सदस्य ध्रुव गौडेल, नेपाल पत्रकार महासंघ जिल्ला कोषाध्यक्ष तथा वालिङ टेलिभिजनका सञ्चालन जोगराज पाठक, प्रेस सेन्टर स्याङ्जाका अध्यक्ष केपी खनाललगायतले अवसर र सुनौतीसंँगै भएको सञ्चार क्षेत्रलाई मर्यादित बनाउँदै सभ्य समाज निर्माणका लागि मिडियाले भूमिका खेल्नुपर्नेमा जाेड दिनुभयाे ।

कार्यक्रममा प्रमाणन्युज डटकमका कार्यकारी निदेर्शेक मोहन गुरुङले सत्य, तथ्य र प्रमाणका साथ आफ्ना सामग्रीहरु प्रकाशन गर्ने भन्दै मिडियाको लक्ष्य, उद्देश्य र भावी योजनाका बारेमा जानकारी गराउनुभएको थियो ।