वालिङ,७ मङ्सिर- रेडियो आँधीखोलाद्वारा सञ्चालित २ दिने पत्रकारिता तथा उद्घोषण तालिम सम्पन्न भएको छ ।
आँधीखोला सञ्चार सहकारी संस्थाद्वारा संचालित रेडियो आँधीखोला १८ औं वर्षमा प्रवेश गरेको अवसरमा सञ्चालित दुई दिने आधारभूत पत्रकारिता तथा उद्घोषण तालिम शुक्रबार सम्पन्न भएको गरिएको हो ।
तालिमको समापन कार्यक्रममा बोल्दै रेडियोका पुर्व अध्यक्ष धु्रवप्रसाद शर्मा पंगेनीले २०६२/०६३ को जनआन्दोलन पश्चात स्याङ्जामा पहिलो संचार संस्थाको रुपमा स्थापित भई निरन्तर समाजलाई सुसूचि गर्दै आइरहेको बताउनुभयो ।
पुर्व अध्यक्ष पंगेनीले भन्नुभयो, “देशको प्रमुख आन्दोलन होस या मुलुक परिर्वतनका लागि होस सञ्चार जगतको भुमिका अतुलनिय छ । देशमा शुसाशसन स्थापित गर्नका लागि सञ्चारले महत्वपूणर् भुमिका खेलेको छ ।” रेडियो स्थापनाकालमा निकै आरोह अवरोहका साथ अगाडि बढेको संस्था अहिलेसम्म निरन्तर समाजमा आँफूलाई शसक्त सञ्चार माध्यमको रुपमा स्थापना गरेको भन्दै बढ्दो प्रविधिको विकास साथमा रेडियोको महत्व अझै बढ्दै गएको उहाँले बताउनुभयो ।
रेडियो आँधीखोला स्थापना पछि जिल्लामा अन्य धेरै सञ्चार माध्यमहरु सञ्चालन भएपनि केहिले निरन्तरता दिन सकेको र केहि विस्तापित पनि भईरहेको सन्र्दभमा आँधीखोला रेडियो यहाँसम्म आईपुग्नु निकै गौरवको विषय भएको उहाँले बताउनुभयो ।
दुई दिनसम्म संचालित तालिममा रेडियोका अध्यक्ष शान्ता थापा, सचिव हिमलाल पराजुली, प्रबन्धक तोलाकान्त बगाले र समाचार प्रमुख कला रानाले सहजीकरण गर्नुभएको थियो । २५ जनाको सहभागिता रहेको तालिममा आधारभुत पत्रकारिता र उद्दघोषण गर्ने विषयमा सिकाईएको थियो ।
२०६३ सालमा स्थापना भई २०६४ साल मंसिर ६ गतेदेखी प्रसारण शुरु गरेको आँधीखोला वालिङ ८ घ्याङ्लिङमा रहेको छ ।
१८औं वार्षिकोत्सवका अवसरमा पत्रकारिता तथा उद्दघोषण तालिम, समसामियक विषयमा बहसलगायतका कार्यक्रम गरिएको थियो । रेडियो अहिले ५०० वाटबाट दैनिक १८ घण्टा प्रसारणमा रहेको छ ।