एमाले स्याङ्जाको ९ औं अधिवेशनको तयारी पुरा,अध्यक्ष केपी शर्मा ओलीले उद्घाटन गर्ने


स्याङ्जा,२२ चैत- नेकपा(एमाले)स्याङ्जाको ९ औं जिल्ला अधिवेशनको सम्पूर्ण तयारी पुरा भएको छ ।
शुक्रबार (२३ गते) देखि जिल्ला सदरमुकाममा सुरुहुने अधिवेशनको नेकपा एमालेका अध्यक्ष एवं पूर्व प्रधानमन्त्री केपी शर्मा ओलीले उद्घाटन गर्ने एमालेले जनाएको छ । अधिवेशनको तयारीका बारेमा जानकारी दिन प्रचार विभाग द्वारा पार्टी कार्यालयमा आयोजित पत्रकार सम्मेलनमा अधिवेशनको सम्पूर्ण तयारी पुरा भाएको जनाइएको छ ।
यही चैत २३ गते देखि २४ गते सम्म सञ्चालन हुने अधिवेशनमा ६ सय ९ जना प्रतितिधि छनोट भएको र प्रतिनिधि छनोट गर्दा सबै जातजाती युवा महिला लगायतलाई प्राथमिकता दिएको पत्रकार सम्मेलनमा जानकारी गराइएको थियो ।
पत्रकार सम्मेलनमा एमाले पोलिटब्युरो सदस्य तथा जिल्ला इन्चार्ज टुकराज सिग्देलले पार्टीको अधिवेशन संगठनलाई मजबुद बनाउनका लागि गरिने नियमित प्रक्रिया भएको र यो हरेक ३ वर्षमा हुने बताउदै स्याङ्जामा एमालेको आगामी नेतृत्व चयन गर्दा सहमतिय प्रक्रियाको अधिकतम प्रयास गर्ने र यो प्रक्रियाबाट टुंग्याउन समस्या भएमा लोकतान्त्रिक प्रक्रियाको लागि पार्टी खुला रहेको समेत बताउनुभयो ।
निर्वाचन लोकतान्त्रिक प्रक्रिया भएकाले यसमा प्यानलगत, गुटगत स्थिति नआउने सिग्देलको विश्वास छ ।
५ दलीय गठबन्धनको बेथितिलाई रोक्न एमाले सरकारमा गएको बताउदै सबै पार्टी उस्तै हुन भन्ने भ्रम चिर्नुपर्ने सिग्देलको भनाइ थियो ।

कार्यक्रममा एमाले जिल्ला कमिटी अध्यक्ष सूर्यप्रसाद गैह्रे (पारस) ले अधिवेशनको प्रतिनिधिहरुमा तीन जना प्रतिनिधि बराबर एक जना महिला र ११ प्रतिशत उत्पीडीत तर्फबाट प्रतिनिधि छनौट भएको बताउनुभयो । अध्यक्ष गैह्रेले पाँच पदाधिकारी सहित क्लष्टर अनुसार जिल्ला कमिटीमा १ सय ५ जनाको जिल्ला कमिटी निर्वाचन हुने जानकारी दिनुभयो ।
अधिवेशन सम्पन्न गर्न करिव २० लाख खर्च हुने र यो रकम पार्टी सदस्यहरुबाट लेबिका साथै शुभचिन्तकहरुबाट सहयोग जुटाउने ब्यवस्था मिलाइएको पत्रकार सम्मेलनमा जानकारी गराइएको छ । अधिवेशनमा प्रतिनिधि र अतिथि गरी ८ सय बढि सहभागि हुने र सहभागिहरुलार्ई जिल्ला सदरमुकाम पुतलीबजार, भीरकोट र वालिङका होटलहरुमा बस्ने ब्यवस्था मिलाइएको छ ।


प्रचारप्रसार संयोजक विश्व पौडेलले अधिवेशनमा प्रतिनिधि छनौट, बसोबास, मञ्च निर्माण लगायतका सबै काम पुरा भएको बताउनुभयो ।
प्रचारप्रसार संयोजक विश्व पौडेलको अध्यक्षता भएको पत्रकार सम्मेलनको सञ्चालन प्रचारप्रसार समितिका सदस्य अनन्त कुमार श्रेष्ठले गर्नुभएको थियो ।

ताजा

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

विद्यार्थीका लागि पूरक परीक्षाकाे तयारी

२०८१ बैशाख ५ गते, बुधबार

समाचार प्रभाव: आज बाह्रबिसे मेला लाग्ने, तयारी पुरा

२०८१ बैशाख ५ गते, बुधबार

बाह्रबिसे मेला लाग्ने

२०८१ बैशाख ४ गते, मंगलवार

बस बाट खसेर विद्यार्थीकाे मृत्यु

२०८१ बैशाख ३ गते, सोमबार

यश पालि लाग्लाकी के गर्ला बाह्रबिसे मेला

२०८१ बैशाख ३ गते, सोमबार

किन गर्नुपर्छ वास्तुशास्त्र अध्ययन ?

२०८१ बैशाख २ गते, आईतवार

आजदेखि विद्यार्थी भर्ना अभियान सुरु

२०८१ बैशाख २ गते, आईतवार

सेतीवेणीमा दर्शनार्थीकाे भिड फाेटाे फिचर भिडियाे सहित

२०८१ बैशाख १ गते, शनिबार

गुराँससँग रमाउन र हिमाल हेर्न घोडेपानी

२०८० चैत्र ३० गते, शुक्रबार

गल्याङ महाेत्सव आजदेखि सुरु

२०८० चैत्र ३० गते, शुक्रबार

2022 Copyrights Reserved at gandakisamachar.com

Designed & Developed By:Web House Nepal