वालिङ,१३ माघ–वालिङ महोत्सवको आर्कषणको केन्द्र मानिएको स्याङ्जा डान्स आईडलमा सहभागी हुनका लागि १५ जना छनोट भएकाछन् । सांस्कृतिक एवं विभिन्न प्रतियोगिता व्यवस्थापन उपसमितिका संयोजक तथा वालिङ उद्योग वाणिज्य संघका उपाध्यक्ष खगेन्द्रप्रसाद अर्यालका अनुसार ६२ जना मध्यबाट १५ जना स्याङ्जा डान्स आईडल सिजन ३ का लागि छनोट भएका हुन् ।
११ सदस्यीय सांस्कृतिक एवं विभिन्न प्रतियोगिता व्यवस्थापन उपसमितिले डान्स आईडलका लागि पहिलो चरण सम्पन्न गरेको छ । छनोट भएका १५ जनाले स्याङ्जा डान्स आईडल सिजन ३ का लागि यही माघ १८ गतेदेखि प्रतिस्पर्धा गर्नेछन् । साथै रत्यौली गीत प्रतियोगिता, भजन चुड्का प्रतियोगिताका लागि विभिन्न समुहहरुले आफ्नो समुह दर्ता गराएको समितिले जनाएको छ ।
वालिङ महोत्सव सांस्कृतिक परम्परात गीत तथा नृत्यहरुको संरक्षण गर्दै पुस्ता हस्तान्तरणका लागि कोशे ढुंगा सावित हुने संयोजक अर्यालले बताउनुभयो । साथै महोत्सव अवधिभर विभिन्न विद्यालयका समुहगत नृत्य समेत प्रर्दशनी गरिने उहाँले बताउनुभयो ।