वालिङ,१३ माघ–भिमटारी सामुदायिक सिकाई केन्द्र वालिङ ८ भिमटारीले एक दिने च्याउ खेती तालिम सञ्चालन गरेको छ । शनिबार सम्पन्न एक दिने च्याउ खेती तालिमको शुभारम्भ गर्दै वालिङ नगरपालिकाकी उपप्रमखु कविता तिवारीेले कृषि क्षेत्रको उन्नतिका लागि नगरपालिकाले नीति तथा कार्यक्रम नै बनाएर अगाडि बढाएको बताउनुभयो ।
कृषिका क्षेत्रमा उल्लेख्य बजेट विनियोजन गरिएको भन्दै सिकाई केन्द्रले कृषकलाई च्याउ खेतीमा लाग्न अभिप्रेरित गरेकोमा खुसी व्यक्त गर्नुभयो ।
उपप्रमुख तिवारीले वालिङका १४ वटै वडामा माटो तथा हावापानी सुहाउँदो कृषि खेती प्रणालीलाई अगाडि बढाईने बताउदै त्यसका लागि प्राविधिक सहयोग तथा बजारीकरणका लागि नगरपालिकाले सहयोग गर्ने बताउनुभयो ।
कार्यक्रममा वडा नं. ८ का अध्यक्ष दामोदर तिवारीले तालिममा सिकेको सिपलाई उपयोग गरी व्यवसायिक रुपमा अगाडि बढ्न सहभागिलाई आग्रह गर्नुभयो ।
तालिममा वडा भित्रका ५५ जना कृषक तथा कृषिमा चासो राख्ने व्यक्तिहरुको सहभागिता रहेको थियो । तालिममा डाँसीनारायण अर्यालले सहजीकरण गर्नुभएएको थियो । तालिमा सहभागि सबैलाई च्याउको बिउ तथा च्याउ खेतीका लागि आवश्यक सामाग्रीहरु समेत वितरण गरिएको सिकाई केन्द्रका अध्यक्ष नेत्रनारायाण रेग्मीले जानकारी दिनुभयो ।