वालिङ,१५ मङ्सिर- वालिङ नगरपालिकाले पालिभित्र रहेका घरहरुमा नम्बर प्लेट राख्न सुरु गरेको छ ।

नगरपालिकाले सुरु गरेको समुदाय स्वास्थ्य तथा नर्सिङ घरदैलो कार्यक्रम अन्तर्गत नगरका प्रत्येक घरमा नम्बर प्लेट राख्ने भएको हो ।

प्रत्येक नागरिकको स्वास्थ्य स्थितिको अभिलेखीकरण सहित नागरिकको घर समेत जीपीएस प्रणालीबाट पत्ता लगाउन सक्ने गरी घरहरुमा नम्बर प्लेट राख्ने कार्यको सुरुवात गरिएको नगरप्रमुख कृष्ण खाँणले बताउनुभयो ।

वालिङ नगरपालिका ३ माझकोटबाट औपचारिक रुपमा नम्बर प्लेट राख्ने कार्यको सुरु गरिएको बताउदै नगरप्रमुख खाँणले कार्यक्रमले प्रत्येक नागरिकको स्वास्थ्य अवस्थाको बारेमा जानकारी लिन नगरपालिकालाई सहज हुने र सोही बमोजिम अन्य कार्यक्रम तथा नीतिहरु तयार गर्न सघाउ पुग्नेमा नगरप्रमुख खाँणको विश्वास रहेको छ ।

स्मार्ट नगरपालिकाको रुपमा अगाडी बढिरहेको वालिङले नागरिकको स्वास्थ्य स्थिति थाहा नपाउँदासम्म हरेक आर्थिक वर्षमा तय गरिने नगरका योजना,नीति तथा कार्यक्रमहरु लागू गर्न कठिनाइ भएको नगर उपप्रमुख कविता तिवारीले बताउनुभयो ।

उहाँले स्वास्थ्य नै मानवजीवनको सबैभन्दा ठूलो सम्पत्ति भएकोले नागरिकको स्वास्थ्यको अवस्था अनुसार बजेट निर्माण,योजना कार्यान्वयन तथा अन्य विविध पक्षहरुको वर्गीकरण गर्न सहयोग बताउनुभयो ।

मङ्सिर १४ गतेबाट सुरु भएको कार्यक्रम एक महिनाको अवधिमा सम्पूणर् घरहरुमा नम्बर प्लेट राख्ने कार्य सम्पन्न गरिने नगरपालिकाले जनाएकाे छ।