वालिङ,१० असोज- नेकपा (एमाले)गण्डकी प्रदेशको प्रथम अधिवेशनको लागि स्याङ्जाबाट १ सय १३ जना प्रतिनिधि छनौट भएका छन् ।
यही असोज १५ र १६ गते गण्डकी प्रदेशको राजधानी पोखरामा हुने अधिवेशनको लागि एमाले जिल्लाको सबै पालिकाहरुबाट प्रतिनिधि छनौट गरेको हो ।
जिल्लाको ११ ओटा पालिका र मजदुर कलस्टर गरी १२ ओट क्षेत्रबाट प्रदेश अधिवेशनको लागि प्रतिनिधिहरु निर्विरोध चयन भएको नेकपा एमाले  स्याङ्जाका अध्यक्ष सूर्यप्रसाद गैह्रे (पार)ले जनाकारी दिनुयभो ।
केही पालिकाहरुमा प्रतिनिधि जानको लागि आकाङ्क्षी धेरै भएपनि अन्त्यत सबै पालिकाहरुबाट निर्विरोध रुपमा प्रतिनिधि छनौट गरेर एकताको सन्देश दिन पार्टीका कार्यक्रता एवं नेताहरु सफल भएको एमाले नेताहरुको भनाइ रहेको छ ।
अधिवेशनको उद्घाटन नेकपा एमालेका अध्यक्ष केपी शर्मा ओलीले गर्ने कार्यक्रम रहेको एमाले गण्डकी प्रदेश कमिटीले जनाएको छ ।

यसै गरी कालीगण्डकी गाउँपालिका वडा नम्बर ३ मा नेपाली कांग्रसे परित्याग गरि ६७ जन कांग्रेस नेता एवं कार्यक्रता एमालेमा प्रवेश गरेकोे एमालेले जनाएको छ । पार्टी प्रवेश गर्नेहरुलाई नेकपा एमाले सचिव पद्मा अर्याल, जिल्ला अध्यक्ष सूर्यप्रसाद गैह्रे (पार) लगायतले पार्टीमा स्वागत गर्नुभएको थियो ।