काठमाडौं,८असोज- राहत शिक्षकहरुले सडकमै सुतेर सरकारले प्रतिनिधि सभामा पेश गरेको विद्यालय शिक्षा विधेकको विरोध गरेकाछन् ।
असोज ३ गते देखि शिक्षक महासंघको काठमाडौँ केन्द्रित आन्दोलनमा सहभागि भएका राहत शिक्षकहरु शिक्षक महासंघले आफुहरुको मागहरु प्रति बेवास्ता गररे धोका दिएको भन्दै निरन्तर रुपमा आन्दोलन गर्दै आएकाछन् । आन्दोलनका क्रममा आज उनीहरुले सडकमै सुतेर सरकार र शिक्षक महासंघ बिच भएको सहमति आफुहरुलाई मान्य नभएको भन्दै राहतका शिक्षकले आन्दोलनलाई जारी राखेका छन् ।
सरकार र नेपाल शिक्षक महासंघबीच शुक्रबार साँझ भएको सहमतिमा आफ्नो माग समाधान नगरेको भन्दै आन्दोलन नरोकेका उनीहरूले आज बबरमहल-माइतीघर सडकमा सुतेर विरोध जनाएका हुन ।