फाइल तस्विरः
काठमाडौं,६असोज- असोज ३ गतेदेखि सुरुभएको काठमाडौं केन्द्रित आन्दोलन जारी रहेको छ । राहत शिक्षकहरुले आन्दोलनलाई निरन्तरता दिएकाहुन । शुक्रबार सरकार र शिक्षक महासंघबीच ६ बुँदे सहमति भएको थियो । हिजो भएको सहमतिमा आफुहरुका मागको सम्बोधन नभएको भन्दै राहत शिक्षकले आन्दोलनलाई निरन्तरता दिएकाछन भने स्थायी प्रकृतिका शिक्षकहरू काठबाडौंबाट आ-आफ्नो जिल्ला फर्किएका छन् ।
शुक्रबार (हिजो) सरकार र शिक्षक महासंघ बिच भएको सहमतिले शिक्षक आन्दोलनलाई दुई भागमा बिभाजित गरिदिएको छ । राहत, अनुदान, अस्थायी र करारमा आबद्ध रहेका (सम्पूणर् अस्थायी किसिमका) शिक्षक एवं कर्मचारीहरुले आन्दोलनलाई निरन्तरता दिएका हुन्।
उनीहरु माइतीघर मण्डलामा भेला भएर प्रदर्शन गरिरहेका छन । आन्दोलनरत शिक्षकहरुले हिजो भएको सहमति खारेज हुनुपर्ने, शिक्षा मन्त्रीले राजीनामा दिनुपर्ने नारा लगाउदै प्रदर्शन गरिरहेका छन् प्रदर्शनका कारण बानेश्वर माइतीघर सडक खण्डमा सवारी आवागमन प्रभावित भएको छ ।
विद्यालय शिक्षा विधेयकको विरोधमा तीन दिनसम्म चलेको आन्दोलनपछि सरकारले शिक्षक महासंघले उठाएका माग पूरा गरे पनि राहत शिक्षकले भने त्यसलाई धोका भएको भनेका छन् ।
देशभरका सामुदायिक विद्यालयमा करिब ४६ हजार राहत शिक्षक कार्यरत रहेका छन् । आन्दोलनरत शिक्षकहरुले शिक्षक महासंघले आफुहरुलाई धोका दिएको भन्दै महासंघमा नरहने समेत घोषणा गरेका छन् ।