पिउने पानीमा ‘कोलिफर्म’

अर्जुन काफ्ले 

स्याङ्जा,१८ साउन- स्याङ्जामा पिउने पानीमा मानव स्वास्थ्यका लागि हानिकारक दिसामा देखिने जीवाणु ’कोलिफर्म’ अत्यधिक मात्रामा भेटिएको छ । जिल्लामा रहेका ११ वटा पालिकाबाट लिएको ९४ वटा नमुना परीक्षणमा ४१ वटामा ‘कोलिफर्म’को कीटाणु देखिएको हो । 

जिल्ला स्वास्थ्य कार्यालय स्याङ्जाका प्रमुख वसुन्धरा शर्माले जिल्लाका सबै पालिकाका मूल मुहान, ट्याङ्की, धारा र घरबाट पानीको नमुना सङ्कलन गरी परीक्षण गर्दा पानीमा दिसामा हुने कोलीफर्मको कीटाणु अध्याधिक मात्रा पाइएको बताउनुभयो । उहाँले सार्वजनिक, व्यक्तिगत र संस्थागत धाराहरूबाट समेत पानीका नमुना परीक्षण गरिएको बताउनुभयो । 

पालिकाकाका सबैभन्दा बढी बिरुवा गाउँपालिकामा ६६.६ प्रतिशत र सबैभन्दा कम पुतलीबजार नगरपालिकामा ३१.२५ प्रतिशत कोलिफर्मको मात्रा देखिएको हो । चापाकोट नगरपालिकामा ६२.६ प्रतिशत, फेदिखोला र हरिनास गाउँपालिकामा ५०.५० प्रतिशत, भीरकोट नगरपालिकामा ४६.१ प्रतिशत, अर्जुनचौपारी गाउँपालिकामा ४० प्रतिशत कोलिफर्म देखिएको हो । 

गल्याङ् नगरपालिकामा ३८ प्रतिशत र वालिङ् नगरपालिका, आँधीखोला र कालीगण्डकी गाउँपालिकामा पनि सबैमा ३७.५÷३७.५ प्रतिशत कोलीफर्मका कीटाणु भेटिएको शर्माले बताउनुभयो । कार्यालयले पुतलीबजार र कालीगण्डकीमा १६÷१६, भीरकोटमा १३, चापाकोट, वालिङ, आधीखोलामा आठ÷आठ, विरुवा र गल्याङ्मा छ÷छ, अर्जुनचौपारीमा पाचँ, फेदिखोला र हरिनासमा चार ÷चार वटा खानेपानीका नमूना सङ्कलन गरी ल्याब परीक्षण गरेको थियो । 

गत वर्षको तुलनामा पानीको शुद्धता प्रतिशत केही बढे पनि यो सुखद नतिजा भने नभएको बताउदै प्रमुख शर्माले पानीलाई छान्ने, उमाल्ने, औषधिकफ प्रयोग वा अन्य विधिबाट शुद्धीकरण गरेर मात्र पिउनुपर्ने बताउनुभयो । 

गत आर्थिक वर्षमा जिल्लाका सबै पालिकाबाट खानेपानीको ५२ वटा नमसना परिक्षण गरिएकोमा ५२ प्रतिशत कोलिफर्म भेटिएको थियो । कोलीफर्मयुक्त पानी सेवनले झाडापखाला, टाइफाइड जस्ता सरुवा रोग लाग्नुका साथै मिर्गौलालाई पनि नकरात्मक प्रभाव पार्ने गर्दछ । 

पुतलीबजारका उपभोक्ता रोशन लामिछानेले वर्षासँगै पानीजन्य सङ्क्रामक रोगहरु बढ्न थालेकाले पिउने पानी कति शुद्धता रहेको छ पहिचानसहित उपभोग गर्न पाउनुपर्ने बताउनुभयो ।स्रोतः गोप

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal