वालिङ,१६ असार- वालिङ आधारभूत पत्रकारिता तालिम सुरु भएको छ । नेपाल आदिवासी पत्रकार महासंघ स्याङ्जाले आधारभूत पत्रकारिता सम्बन्धी तीन दिने तालिम शनिबारदेखि सुरु गरेको हो । वालिङ नगरपालिकाको सहयोगमा आयोजित पत्रकारिता तालिम वालिङ ६ मिर्दिमा सञ्चालन गरिएको हो ।

तालिमको उद्घाटन गर्दै वालिङ नगरपालिकाका नगरप्रमुख कृष्ण खांँणले पत्रकारिताको बहुआयामिक महत्व रहेको बताउनुभयो । राज्यको चौथो अंग पत्रकारिता राज्यको चौथो अंग रहेकोले यसको महत्व बढि रहेको बताउनुभयो ।
जनजाति समुदायका युवापुस्तालाई गुणात्मक सहभागिताको लागि आयोजित पत्रकारिता तालिमले पत्रकारिताको क्षेत्रमा प्रदेश तथा केन्द्रीय तहसम्म प्रतिनित्व हुन टेवा पुग्ने विश्वास व्यक्त गर्नुभयो । उहाँले तालिमलाई व्यवसायिक तथा व्यवहारिक बनाउनुपर्नेमा जोड दिनुभयो ।
नगरपालिकाले नगरस्थित आदिवासी जनजातिहरुको भाषा, धर्म, संस्कार र संस्कृतिको जगेणर्ा गर्नका लागि विभिन्न कार्ययोजनाहरु ल्याएको नगरप्रमुख खाँणले बताउनुभयो ।
नेपाल अनेकतामा एकता भएको मुलुक हो । त्यसमा पनि आदिवासी जनजातिहरुको संस्कार र संस्कृतिको माध्यमबाट पर्यटनको संभावनाहरुलाई उजागर गर्न सकिन्छ नगर प्रमुख खाँणले भन्नुभयो ।
तालिमको पहिलो दिन फोनिज गण्डकी प्रदेश अध्यक्ष रुद्र श्रीस मगर, सुमन गुरुङ र फोनिजका जिल्ला सल्लाहकार गोपाल जिटीले प्रशिक्षण दिएका थिए ।