वालिङ,१४असार- चापाकोट नगरपालिका एक मा रहेको भानु माध्यमिक विद्यालयको पुरस्कार तथा छात्रवृत्ति वितरण कार्यक्रम सम्पन्न भएको छ । कार्यक्रममा चापाकोट नगरपालिकाका नगरप्रमुख देव बहादुर खाँणले शैक्षिक गुणस्तरमा बृद्धि गर्नुपर्नेमा जोड दिनुभएको थियो । कार्यक्रममा चापाकोट एकका वडा अध्यक्ष भुपराज वोस्ती, टिकाराम तिवारी लगायतले बोल्नुभएको थियो ।

कार्यक्रममा शैक्षकि वर्ष २०७९ मा उत्कृष्ट हुने शिशु कक्षादेखि कक्षा १२ सम्मका विद्यार्थीहरुलाई पुरस्कार वितरण गरएिको थियो भने छात्रवृत्ती समेत वितरण गरिएको थियो । विद्यालयमा स्थापित अक्षयकोषबाट प्राप्त छात्रवृत्ती गरी कुल ७६ जना विद्यार्थीलाई छात्रवृत्ती वितरण गरएिको छ । सोही कार्यक्रममा विद्यालयका पूर्व प्रअ लिलाबल्लभ अर्याल र पूर्व शिक्षक मोहन न्यौपानेलाई बिदाइ तथा विद्यालयलाई सुझाव पेटिका सौजन्य गर्नु हुने याम बहादुर थापालाई सम्मान गरएिको थियो ।
विद्यालयका प्रअ विनुप्रसाद पराजुलीले छात्रवृत्ती र पुरस्कारले विद्यार्थी थप उत्साही भएकोले शैक्षकि गुणस्तर कायम गर्न सहयोग पुग्ने बताउनु भयो । विद्यालय व्यवस्थापन समितिका अध्यक्ष कृष्णप्रसाद भण्डारीको अध्यक्षतामा सम्पन्न कार्यक्रममा स्वागत मन्तव्य शिक्षक गिरिराज शर्मा र सन्चालन शिक्षक शिबलाल गैह्रेले गर्नुभएको थियो ।