स्याङ्जा,५फागुन- पुतलीबजार नगरपालिकाका किसानलाई माटो परिक्षण गरी उपचार सामग्री वितरण गरिएको छ । पुतलीबजार नगरपालिका र संयुक्त राष्ट्र संघिय विकास कार्यक्रम यएनडीपीको आर्थिक र प्राविधिक सहयोग एवं सूर्योदयक्लब स्याङ्जाको व्यवस्थापनमा संचालित “हरित पुनरुत्थान तथा कोभिड-१९ प्रतिकार्य पहल” परियोजना अन्तरगत माटो परिक्षणको नतिजा सार्वजनीक पछि नगरपालिकाका प्रमुख तुलसीराम रेग्मीले किसानलाई सामग्री हस्तान्तरण गर्नुभएको हो ।
यस कार्यक्रममा खेती योग्य जग्गाको माटो सुधारका लागि पुतलीबजार नगरपालिका क्षेत्र भित्र का विभिन्न वडाका किसानहरुलाई माटो परिक्षणको नतिजाको आधारमा उपचार सामग्री अन्तरगत कृषि चून वितरण गरिएको सूर्योदयक्लबले जनाएको छ ।
कार्यक्रमले पुतलीबजार नगरपालिकाका विभिन्न कृषकहरुले लाभ लिनुका साथै खेती योग्य जमिनमा उल्लेख्य सुधार आई आगामी दिनमा समेत उब्जनी बढाउनमा पनि ठूलो भूमिका रहने बताउदै कृषि उत्पादन सम्बन्धी केही समस्या आएमा कृषि शाखामा आएर जानकारी गराउन समेत नगर प्रमुख रेग्मीले आग्रह गर्नुभयो ।