सूर्य चिन्हमा भोट दिनु स्वाभिमान र जनजीविकाको पक्षमा उभिनु हो ः एमाले सचिव अर्याल

गोपाल जिटी
वालिङ,१ मङ्सिर– यही मंसिर ४ मा हुने निर्वाचनमा स्याङ्जा क्षेत्र नम्वर २ बाट प्रतिनिधिसभा सदस्यका उम्मेदवार एवं एमाले केन्द्रीय सचिव पद्मा अर्यालले एमालेको सूर्य चिन्हमा भोट दिनु स्वाभिमान र जनजीविकाको पक्षमा उभिनु भएको बताउनु भएको छ ।

स्याङ्जाको वालिङमा बिहीबार घरदैलो सहित गरिएको कोणसभालाई सम्वोधन गर्दै पूर्व मन्त्रीसमेत रहनुभएकी अर्यालले नेकपा एमालेको सूर्य चिन्हमा भोट दिनु स्वाभिमान र जनजीविकाको पक्षमा उभिनु भएको बताउनु भएको हो ।

एमालेको पक्षमा आएको जनलहरबाट आत्तिएर गठवन्धनका उम्मेदवार तथा कांग्रेसका कार्यकर्ताहरु सामाजिक सञ्जालमार्फत आँफूलाई भ्रष्टाचारको मिथ्या आरोप लगाउने गरेको बताउनुभयो ।

अर्यालले भन्नुभयो,“हरुवा मानसिकता भएकाहरु फेसबुक लगायतका सामाजिक सञ्जालमा भ्रष्टाचार गरेको आरोप लगाएका छन् । म यहीँ छु, कहिँ कतै भ्रष्टाचार गरेको भए प्रमाणित गरेर देखाउनु सक्नुप¥यो । हिम्मत भए जेल हाल्न आँट गर्नुस्, होइन भने कसैलाई मिथ्या आरोप लगाउने छुट छैन ।”

मंसिर ४ गते मुलुकको समृद्धि कि वर्वादीको निर्वाचन भएकोसमेत अर्यालको भनाई थियो । साढे तीन वर्ष एमालेले गरेको विकासका कामको मूल्याङ्कन जनताले गरेका छन् भन्दै सचिव अर्यालले गठवन्धनले देशै वर्वादितिर लगेको बताउनुभयो ।

जनजीविका, विकास र समृद्धिको पक्षमा उभिने नेकपा एमाले हो । नेकपा एमालेको पक्षमा आम नागरिकहरु हुनुहुन्छ । त्यसैले यो निर्वाचनमा सूर्य चिन्हमा भोट दिएर एमालेका उम्मेदवारहरुलाई विजयी गराउनुहुन्छ । जनताको अभिमतबाट “मंसिर चार, केपी ओलीको नेतृत्वमा एमालेको बहुमतको सरकार” भन्ने हाम्रो सपनालाई जनताले सावित गर्ने अर्यालको दावी छ ।

यसैगरी क्षेत्र नम्वर २ को प्रदेश क का उम्मेदवार मोहन रेग्मीले एमालेको जीत सुनिश्चित गर्न उत्साहजनक जनलहर आएको बताउनुभयो । रेग्मीले समृद्धिको अभियानमा अगाडी बढेको नेकपा एमालेको सूर्य चिन्हमा भोट दिएर अत्यधिक बहुमतले विजयी गराउन आग्रह गर्नुभयो ।

कार्यक्रममा बिभिन्न पार्टी परित्याग गरी झण्डै सय जना युवाहरु एमालेमा प्रवेश गरेका छन् । नव प्रवेशीहरुलाई पूर्वमन्त्री अर्यालले पार्टीमा खादा र अविर लगाएर स्वागत गर्नुभएको थियो । बिभिन्न पार्टी परित्याग गरि युवाहरु एमालेमा प्रवेश गरेको एमालेले जनाएको छ ।

ताजा

नारायणी नदीले सतर्कता तह पार गर्‍यो

२०८१ असार २७ गते, बिहीबार

नारायणी नदीले सतर्कता तह पार गर्‍यो

२०८१ असार २७ गते, बिहीबार

राजनीतिक स्थायित्वका लागि नयाँ समीकरण

२०८१ असार २७ गते, बिहीबार

निःशुल्क स्वास्थ्य सहायता कक्ष स्थापना

२०८१ असार २७ गते, बिहीबार

राष्ट्रिय परिचयपत्रले जेष्ठ नागरिकलाई दिएकाे सास्थि

२०८१ असार २७ गते, बिहीबार

वालिङमा विपत व्यवस्थापन कार्यदल गठन

२०८१ असार २७ गते, बिहीबार

वर्षातमा उर्लेको त्रिशूली नदी

२०८१ असार २६ गते, बुधबार

नेपालमा धान : उत्पादनमा वृद्धि हुँदै, आकर्षण घट्दै

२०८१ असार २६ गते, बुधबार

स्याङ्जामा नौ जनाको मृत्यु, एक सय १२ घर पहिरो जोखिममा

२०८१ असार २६ गते, बुधबार

सेतीवेणी शालिग्राम शिला डुबानमा

२०८१ असार २२ गते, शनिबार

सिद्धार्थ राजमार्गमा दर्जनाै ठाउँमा पहिराे, सयाैँ यात्रु अल्पत्र

२०८१ असार २२ गते, शनिबार

2022 Copyrights Reserved at gandakisamachar.com

Designed & Developed By:Web House Nepal