स्याङ्जा,२२ भदौ–प्रहरीले गोरु काटेको आरोपमा तीन जनालाई पक्राउ गरेको छ । भीरकोट नगरपालिका ८ ढापुकफेदिबाट गोरुको मासु सहित तीन जनालाई पक्राउ गरिएको प्रहरीले जनाएको छ ।

गोरु काटेर भागबण्डा गरेको भन्ने गोप्य सूचनाको आधारमा दहथुम प्रहरी चौकीबाट खटिएको प्रहरी टोलीले नैनबहादुर गुरुङ, हुमप्रसाद गुरुङ र खेम गुरुङलाई पक्राउ गरेको जिल्ला प्रहरी कार्यालय स्याङ्जाका प्रहरी नायव उरीक्षक राजेन्द्रप्रसाद अधिकारीले जानकारी दिनुभयो । गोरुको मासु सहित मासु काट्न प्रयोग हुने दुई थान चक्कु बरामद गरी पशुपंक्षी सम्बन्धी कसुर मुद्धा दर्ता गरी जिल्ला अदालतबाट सात दिनको म्याद थप गरी अनुसन्धान भईरहेको प्रहरीले जनाएको छ ।