स्याङ्जा,१५ जेठ– नेपाल कम्युष्टि पार्टी (एमाले) स्याङ्जाका अध्यक्ष सुर्यप्रसाद गैरे (पारस) ले गणतन्त्र दिवशको अवसरमा स्वास्थ्य सामग्री वितरण गर्नुभएको छ । कोरोना भाइरस (कोभिड १९) बाट प्रभावित हररुको लागि उपचारमा सहयोग पुर्याउने उद्देश्यले अध्यक्ष गैरेले जिल्लामा रहेका कोरोना अस्पताल र संक्रमितहरुलाई लक्षित गरेर स्वास्थ्य सामग्री वितरण गर्नुभएको हो ।

जिल्लाको भीरकोट, वालिङ, गल्याङ, चापाकोट र कालीगण्डकी गाउँपालिकामा गरी करिब ४ लाख रुपैयाँ बढीको औषधी र स्वास्थ्य सामाग्री वितरण गरेको अध्यक्ष गैरेले बताउनुभयो । अध्यक्ष गैरेका अनुसार गल्याङ, चापाकोट र कालीगण्डकीमा कोरोना संक्रमित भएका ३ सय जना विमारीहरुलाई आधारभूत औषधी १० दिनको डोज मात्रा पुग्नगरी भिटामिन सी, भीटामिन डी, मल्टि भीटामिन, जिंक चक्की र सिटामोल लगायतका औषधी घरघरमै लगेर बाँड्ने व्यवस्था मिलाइएको र भीरकोट नगरपालिकामा ५० जना संक्रमित विमारीलाई बाँड्ने व्यवस्था मिलाइएको छ ।

गल्याङ र कालीगण्डकीको अस्पतालमा भर्ना भएर उपचार गर्नु पर्ने अवस्था भएका विमारीहरुलाई लक्षित गरेर डेक्सोना इन्जेक्सन, पारासिटामोल इन्फुजेन इन्जेक्सन, मास्क, र सेनिटाइजर समेत अध्यक्ष गैरेले उपलब्ध गराउनुभएको हो । त्यस्तै उहाँले जिल्लामा रहेका ४ वटा एम्बुलेन्स चालक, कोरोना संक्रमितको उपचार र लाश व्यवस्थापनमा खटिने वालिङका दुई युवा, पार्टी कमिटी र भीरकोटका युवाहरुलाई समेत सेनिटाइजर, मास्क थर्मगन र पीपीई सेट प्रदान गर्नुभएको छ भने गल्याङ प्रहरी चौकीलाई पीपीई सेट, मास्क, थर्मगन हस्तानतरण गर्नुभएको छ ।

स्याङ्जामा कोरोना संक्रमितहरुलाई लक्षित गरेर व्याक्तिगत रुपमा यति धेरै रकम बराबरको औषधी र स्वास्थ्य सामाग्री वितरण गरिएको यो पहिलो उदाहरण हो । राजनीतिका अलावा सामाजिक क्षेत्रमा समेत सक्रिय रहदै आउनुभएका गैरेले गत वर्ष कोरोना महामारीमा पनि अर्थिक अवस्था कम्जोर भएका बिपन्न वर्गलाई सहयोग गर्नुभएको थियो ।
कोरोना संक्रमणका कारण समस्यामा परेका जनताको स्वास्थ्य उपचारका साथै संक्रमित बिरामीहरुलाई सहयोग पुगोस भनेर आफुले सहयोग गरेको अध्यक्ष गैरेले बताउनुभभयो । महामारीले संकट निमत्याएको अहिलेको अवस्थामा सबैलाई आआफ्नो ठाउँबाट सक्दो सहयोग गर्न समेत अध्यक्ष गैरेले आग्रह गर्नुभएको छ ।