कोरोना संक्रमितलाई आयुर्वेदिक औषधी
हिमलाल पराजुली
स्याङ्जा,६ जेठ– कोरोना भाइरस (कोभिड १९) को संक्रमणका विरामीहरुलाई गाउँगाउँमा पुगेर आयुर्वेदिक औषधी बितरण गरिएको हो । स्थानीय पालिकाको समन्वयमा जिल्ला अयाुर्वेद स्वास्थ्य केन्द्रले संक्रमितहरुको लागि आयुर्वेदिक औषधी वितरण गर्दै आएको जिल्ला अयाुर्वेद स्वास्थ्य केन्द्र स्याङ्जाले जनाएको छ ।
कोरोना संक्रमणका कारण होम आइसोलेसन र क्वारिन्टिनमा बस्दै आएका बिरामीहरुलाई सम्बन्ति ठाउँमा नै पुगरे रोग प्रतिरोधात्मक क्षमता बढाउने आयुर्वेदिक औषधी बितरण गर्दै आएको जिल्ला अयाुर्वेद स्वास्थ्य केन्द्रका प्रमुख डा.सुभद्रा कार्कीले बताउनुभयो । संक्रमित बिरामीहरुले नियमित योग, ब्याम र आयुर्वेदिक औषधीको सेवनका साथै खानपिनमा ध्यान दिएको अवस्थामा कोरोना जितन सकिने प्रमुख कार्कीले बताउनुभयो । कार्कीले भन्नुभयो, “अहिले कोरोना संक्रमणले महामारीको रुपम लिदैछ यस्तो अवस्थामा पनि संक्रमणको लक्षण देखिएका बिरामीहरुले परीक्षण गर्न नचाहानु र औषधीको सेवन नगरी घरमै बस्दा झनै जोखिम बढेर गएको छ । यो अवस्थामा जनचेतना फैलाउनुपर्ने आवश्यक्ता देखियो ।”
संक्रमित खुल्न नचाहादा परिवार संगै सिंगो समाजमा नै संक्रमण फैलिदै जादा यसलाई नियन्त्रण र उपचारमा समेत समस्या आउने प्रमुख कार्कीको बताउनुहुन्छ ।
पुतलीबजार नगरपालिका प्रमुख सीमा कुमारी क्षेत्रीले पालिकामा संक्रमितको संख्या बढ्दै जानथालेपछि नगरपालिका र जिल्ला आयुर्वेदिक स्वास्थ्य केन्द्रबाट चिकित्सक सहितको टोली नगरभित्रका वडाहरुमा पुगेर औषधी बितरण गर्नुका साथै आवश्यक परामर्श समेत दिदै आएको बताउनुभयो । यसैगरी अर्जुनचौपारी गाउँपालिकामा पनि संक्रमितको घर–घरमै पुगेर औषधी वितरण गरिएको गाउँपालिका उपाध्यक्ष चिनमाया गुरुङले बताउनुभयो ।
अर्जुनचौपारीमा रहेको आयुर्वेदिक कार्यालयका स्वास्थ्य कर्मीको टोली संगै गाउँगाउँमा पुगेर संक्रमितहरुलाई भेटी औषधी वितरण गरिएको उपाध्यक्ष गुरुङको भनाइ रहेको छ ।
कालीगण्डकी गाउँपालिकामा पनि संक्रमितहरुलाई पालिकामा रहेको नागरिक आरोग्य केन्द्र मार्फत गाउँपालिकाको समन्वयमा आयुर्वेदिक औषधी बितरण गर्नुका साथै आवश्यक परामर्श दिइएको गाउँपालिका अध्यक्ष खिमबहादुर थापाले बताउनुभयो । जिल्लाका हेकी पालिकाले आयुर्वेदिक औषधी तर्फ चासो देखाएपनि अधिकाशं पालिकाले भने आयुर्वेदिक तर्फ खासै चासो देखाएको पाइएकोछैन ।
आयुर्वेदिक औषधीले रोग संग लडन सक्ने प्रतिरोधात्मक क्षमता बढाउने र कुनै असर नगर्ने भएकाले चिकित्सक वा स्वास्थ्य कर्मीको सल्लाहामा यो औषधी सेवन गर्दा बिरामीलाई संक्रमणलाई जित्न सहयोग पुग्ने जिल्ला आयुर्वेद स्वास्थ्य केन्द्रका प्रमुख डा.सुभद्रा कार्कीको भनाइ रहेको छ ।
जिल्लामा बुधबार सम्म कुल १ हजार २ सय ३६ जना संक्रमित भएकाछन् भने १ सय ६० जना निको भएर घर फर्किएकाछन् । मृत्यु हुनेहरुको संख्या ५५ पुगेको छ भने विभिन्न अस्पतालमा ३५ जना पुरुष र १८ महिला गरी ५३ जनाको उपचार भइरहेको जिल्ला स्वास्थ्य कार्यालयका सूचना अधिकारी मित्रप्रसाद अर्यालले जानकारी दिनुभयो ।
जिल्ला स्वास्थ्य कार्यालयले दिएको जानारी अनुसार होम आइसोलेसनमा ४ सय ७७ महिला र ४ सय ५४ पुरुष रहेकाछन् भने आइसोलेसन केन्द्रमा ८ महिला र २९ पुरुषको उपचार भइरहेको छ । जिल्लामा ३ सय १७ आइसोलेसन बेड र १ सय ८९ अक्सिजन सिलिण्डर रहेको स्वास्थ्य कार्यालयले जनाएको छ ।
ताजा
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
तिहार पर्वलाई मर्यादित बनाउन स्याङ्जा प्रशासनको आग्रह
२०८३ कार्तिक २० गते, शुक्रबार
राम्दीमा बस र स्कुटरबाट १० हजार बढी पिस पटका बरामद
२०८३ कार्तिक २० गते, शुक्रबार
तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण
२०८३ कार्तिक १९ गते, बिहीबार
स्याङ्जामा स्कुटर दुर्घटना हुँदा आमाको मृत्यु, छोरी घाइते
२०८३ कार्तिक ६ गते, शुक्रबार
विजया दशमीकाे शुभकामना
२०८३ कार्तिक ४ गते, बुधबार
आज दशैँकाे टीका
२०८३ कार्तिक ४ गते, बुधबार
मकै भण्डारण गर्ने काइदा,घरभरी मकैका झुत्ती
२०८३ कार्तिक २ गते, सोमबार
न आफन्त रहे, न घरः छैन दसैँको रौनक
२०८३ आश्विन ३१ गते, शनिबार

























