सुनिल न्यौपाने

चापाकोट,४ जेठ– चापाकोट नगरपालिकामा दश बेडको आइसोलेसन वर्ड तयार पारिएको छ । कोरोना संक्रमण तिब्र रुपमा बढ्दै गएपछि नगरपालिकाले संक्रमतिको उपचारको लागि चापाकोट ८ क्वामीमा रहेको आयुर्वेद स्वास्थ्य केन्द्रमा तत्कालका लागि दश बेडको आइसोलेसन तयार पारिएको नगरप्रमुख शिवकुमारी गिरीले जानकारी दिनुभयो ।

कोरोना भाइरसको संक्रमणबाट बिरामी भएका नगरबासीको उपचारका लागि अक्सिजन सहितको आइसोलेसन निमार्ण गरिएको नगरप्रमुख गिरीले बताउनुभयो ।

नगरपालिकाले कोरोना संक्रमणको लक्षण देखिएका नगरबासीको निशुल्क परीक्षण गर्दै आएको र कोरोना संक्रमणको रोकथामका लागि सुरक्षाका मापदण्ड अपनाएर घरमा बस्न समेत नगरप्रमुख गिरीले आग्रह गर्नुभएको छ ।
कोरोना संक्रमितको संख्या बढ्दै गएर बेडको अभाव भएमा आवस्यक्ता अनुसार बेड थपदै जाने नगरपालिकाले जनाएको छ ।

कोरोना संक्रमणका कारण समस्यामा परेका नगरबासीहरुलाई सहज सेवा प्रवाह गर्नका लागि स्वास्थ्यकर्मीको टोली आवस्यक सामग्री सहित तयारी अवस्थामा रहेको नगर स्वास्थ्य प्रमुख बिन्दु कोईरालाले जानकारी दिनुभयो ।