स्याङ्जा,२५ वैशाख– नेपाली काँग्रेस स्याङ्जाले आइसोलेसन कक्ष बनाउन आवश्यक परेमा पार्टी कार्यालय दिने निर्णय गरेको छ ।
जिल्लामा कोरोना भाइरस (कोभिड १९) को संक्रमणको जोखिम बढ्दै जानथालेपछि कांग्रेसले यसको रोकथाम र नियन्त्रणका लागि सहयोग पुर्याउने उद्देश्यले आफ्नो स्याङ्जा जिल्ला सदरमुकाममा रहेको पार्टी कार्यालयलाई कोभिड अस्पताल निर्माण गरी प्रयोग गर्न दिने निर्णय भएको कार्यबाहक सभापति बुद्धि बहादुर राना (कुमार) ले जानकारी दिनुभयो ।

सभापति रानाले भन्नुभयो, “बिरामीलाई राखेर उपचार गर्न ठाउँको अभावले समस्या आएमा पार्टी कार्यालयलार्य आइसोलेसन वा कोभिड अस्पतालका रुपमा प्रयोग गर्न दिने निर्णय गरेकाछौ ।” पार्टी कार्यालयको भवनमा स्थानीय, प्रदेश र केन्द्रीय सरकारका साथै अन्य कुनै पनि गैह्रनाफामुखी संस्थाले आइसोलेसन कक्षको रुपमा प्रयोग गर्न चाहेमा दिने थापाले बताउनुभयो ।