वालिङ, १२ माघ– पूर्वाञ्चल साहित्य प्रतिष्ठान विराटनगरले हरेक वर्ष प्रदान गर्दै आएको ‘सुदिश निरौला स्मृति साहित्य पुरस्कार’ यस वर्ष स्याङ्जाका युवा साहित्यकार मिलन समीरलाई प्रदान गरिएको छ ।
शनिबार विराटनगरमा आयोजित एक कार्यक्रममा पूर्वअर्थमन्त्री समेत रहनुभएका वरिष्ठ कवि एवं गीतकार एसपी कोइराला, नेपाल प्रज्ञा प्रतिष्ठानका पूर्वउपकुलपति डा. विष्णुविभू घिमिरे, आयोजक संस्थाका अध्यक्षसमेत रहनुभएका प्राज्ञ विवश पोखरेल, प्राज्ञ गंगा सुवेदी, सुदिश निरौलाकी माता टीका निरौलालगायतले दोसल्ला ओढाएर नगद १५ हजार रुपैयाँ र सम्मानपत्र प्रदान गरेर युवा साहित्यकार मिलनलाई पुरस्कृत गरिएको हो । पुरस्कृत युवा साहित्यकार समीर साहित्य सिर्जनामा सक्रिय हुनुहुन्छ ।
बहुमुखी प्रतिभाका धनी सुदिशको सवारी दुर्घटनामा निधन भएपछि आमा टीका र बुवा गोविन्दले प्रतिष्ठानमार्फत वितरण गर्ने गरी पुरस्कार स्थापना गर्नुभएको हो ।