पर्वत,१६ पुस- नेकपा (एमाले) केन्द्रीय सचिव एवं गण्डकी प्रदेश इन्चार्ज पद्मा अर्यालले मिडियाले राजनीतिक संस्कारका बारेमा मिडियामा बहस चलाउनुपर्ने आवश्यक्ता रहेको बताउनु भएको छ । शुक्रबार प्रेस चौतारी पर्वतले जिल्ला सदरमुकाम कुस्मामा आयाेजना गरेको विचार बहस कार्यक्रममा पूर्वमन्त्री अर्यालले मिडियाको माध्यमबाट पार्टीको विचार र पार्टीले गरेका कामको बारेमा जनता सामु पु¥याउनु पर्ने बताउनु भएको हो ।
हामी युगमा बाच्नेमात्र होइन, नयाँयुगको निर्माता पनि भएको उल्लेख गर्दै अर्यालले युग निर्माणमा मिडियाको महत्वपूर्ण भूमिका हुने कुरा बताउनुभयाे । मुलुकमा भएका ठुला ठुला परिवर्तनमा मिडियाको उल्लेख्य भूमिका रहेको इतिहास साक्षी रहेको समेत उहाँले बताउनुभयो । राजनीतिक संस्कार बसाल्न र समाज परिवर्तनमा टेवापुग्ने हिसावले निर्भिक भएर कलम चलाउन उहाँले आग्रह गर्नुभयो ।
एमाले सचिव अर्यालले भन्नुभयाे,” जनताको बीचमा एमालेले रफ्तारमा काम गरिरहेको थियो, अहिले त्यो कामकाे यात्रा राेकिए पनि एमालेले राेकिएका सबै कामहरु पूरा गर्रिछ।”