गोपाल जिटी
वालिङ,४ पुस- वालिङमा नेवारी नृत्य (धिमे र कुमारी) कार्यशाला गोष्ठी सुरु भएको छ । गण्डकी प्रज्ञा प्रतिष्ठान गण्डकी प्रदेश पोखराद्वारा आयोजित नेवारी नृत्य (धिमे र कुमारी) कार्यशाला गोष्ठी आइतबारदेखि सुरु भएको हो । कार्यक्रममा गण्डकी प्रज्ञा प्रतिष्ठानका कूलपति सूर्यबहादुर खड्का विखर्चीले विदेशका विभिन्न मुलुकमा जाँदा आँप्mनो नेपाली पोशाक सहित मौलिकता झल्कने गतिविधि गर्नुपर्नेमा जोड दिनुभयो । विश्वका धेरै देशमा नेपालीहरु पुगेको उल्लेख गर्दै कूलपति खड्काले जहाँजान्छौं त्यहाँ आँप्mनो पोशाक सहित मौलिक कला र संस्कृति झल्कने गतिविधिले देशको पहिचान झल्कने बताउनुभयो । पुर्खाहरु विगतका दिनमा विदेशजाँदा किन टाइसुट नलगाएर दौरा सुरुवाल लगाए भन्नेहरुलाई नेपालीको पहिचान झल्काएको महसुस गराएका थिए । विविध भाषा र कला भएको देशका नागरिक भनेर परिचित हामी नेपालीहरुले सोहि अनुसारको गतिविधि गर्नुपर्ने कूलपति खड्काको भनाई छ । साहित्य होस् या कला जुनसुकै विधामा पनि नेपालीपन झल्कने प्रस्तुति दिनुपर्ने उहाँले उल्लेख गर्नुभयो ।
उहाँले संसारको जुनसुकै देशमा नेपाली कलाकर्मिहरु जाँदा आँप्mनै मौलिकता झल्किने कला र संस्कृति प्रस्तुत गर्न आग्रह गर्नुभयो । हाम्रो आँप्mनोपनमा गर्व गर्नुपर्ने उल्लेख गर्दै कूलपति खड्काले नयाँ पुस्तालाई प्रशिक्षित र मौलिक संस्कृतिको संरक्षण, सम्वद्र्धन र प्रवद्र्धनका लागि प्रज्ञा प्रतिस्ठान लागिपरेको बताउनुभयो ।
सप्तक संगीत विद्यालय वालिङको समन्वयमा सञ्चालित कार्यक्रममा वालिङ क्षेत्रका नेवार समुदायका युवा युवतिहरुलाई नेवारी नृत्य सम्वन्धी प्रशिक्षण गराइने आयोजकले जनाएको छ । पुस ४ गते आइतबारदेखि सुरु गरिएको गोष्ठी ८ गते बिहीबारसम्म सञ्चालन हुने छ ।