मिरा मल्ल
स्याङ्जा,४ पुस- पुतलीबजार नगरपालिका ३ सूर्याेदय मार्गमा केन्द्रीय कार्यालय रहेकाे सूर्योदय बचत तथा ऋण सहकारी संस्था लिमिटेडको बिसौं वार्षिक साधारण सभा तथा सातौं अधिवेशनको शनिबार सम्पन्न भएको छ ।
वि. स. २०५५ सालमा ३ जनाकाे अनन्तकुमार श्रेष्ठ, रविन्द्र प्रसाद श्रेष्ठ र विद्या श्रेष्ठ रू २०/२० गरि जम्मा रू ६० जम्मा गरि सूर्याेदय बचत समुह रूपमा शुरू गरिएकाे यश संस्थाकाे हाल ५ वटा सेवा केन्द्रबाट सेवा दिईरहेकाे छ । संस्थाको केन्द्रीय कार्यालय स्याङ्जा पुतलीबजार ३ बाडखोलामा बाडखाेला र स्याङ्जा सेवा केन्द्र र जुग्ले सेवा केन्द्रकाे आधिखाेला गाउपालिका जुग्लेमा र बिरुवा सेवा केन्द्रकाे बिरुवा गाउपालिका विरूवामा समेत साधारण सभा तथा अधिवेशन एकैसाथ सम्पन्न भएको कार्यालयले जनाएको छ ।

बाडखोलाको शिशु निकेतन विद्यालयमा आयोजित कार्यक्रममा प्रमुख अतिथि संस्थापक विद्याकुमारी श्रेष्ठले सूर्योदय सहकारी छिटै प्रगतिपथमा अगाडि बढेको देख्दा आफू निकै खुसी भएको बताउनु भयो । संस्थाका प्रमुख संरक्षक अनन्तकुमार श्रेष्ठले सहकारीकाे मूल्य मान्यता अनुसार सदस्यहरूकाे समृद्धिमा केन्द्रित हुनु पर्ने र सबै शेयरधनिहरूले नियमित संस्थाकाे कार्यक्रममा सहभागी हुनुपर्ने बताउनु भयाे । संस्थाका अध्यक्ष हुमबहादुर कुमालले सूर्योदय सहकारीले आगामी दिनमा उत्पादमूलक क्षेत्रमा लगानी बढाउँदै सामाजिक उत्तरदायित्वका सेवा क्षेत्रहरुको विस्तार गरिने बताउनभुयो । कार्यक्रममा पुरुषोतम शर्मा, भरतबहादुर मल्ल, गोविन्दप्रसाद शर्मा, रविन्द्रप्रसाद श्रेष्ठ, लगायतले मन्तव्य व्यक्त गर्नुभएको थियो ।

सो कार्यक्रममा एसईई, प्रविणता प्रमाणपत्र तह, स्नातक, स्नातकोत्तर गर्ने सेयर सदस्यका सन्ततिहरुलाई सम्मान गरिएको थियो । त्यस्तै सबैभन्दा धेरै बचत गर्ने सेयर सदस्यहरुलाई पनि सम्मान गरिएको थियो भने कार्यक्रममा उत्कृष्ट कर्मचारीतर्फ जुग्ले शाखाकी कनिष्ठ सहायक सङ्गीता लामिछानेलाई र उत्कृष्ट सेवा केन्द्रतर्फ जुग्ले शाखालाई सम्मान गरिएको थियो । त्यस्तै उत्कृष्ट जिम्मेवारी वहन गरेवापत संस्थाका उपाध्यक्ष बलराम दोरङ्गा र सचिव नारायण रेग्मीलाई पनि सम्मान गरिएको थियो ।

कार्यक्रममा अध्यक्षको प्रतिवेदन, लेखाको प्रतिवेदन लगायत विभिन्न समितिका प्रतिवेदनहरु प्रस्तुत गरिएका थिए । सो कार्यक्रमको अध्यक्षता संस्थाका अध्यक्ष हुमबहादुर कुमालले गर्नुभएको थियो भने सञ्चालन संस्थाका सचिव नारायण रेग्मीले गर्नुभएको थियो।