काठमाडौँ, १  पुस– नेपाली कांग्रेसको १४औँ महाधिवेशनअन्तर्गत महामन्त्री पदमा गगन थापा र विश्वप्रकाश शर्मा निर्वाचित हुनुभएको छ । 

पार्टी केन्द्रीय कार्यालय सानेपामा बिहानदेखि सुरु भएको मतगणनाको पछिल्लो परिणामअनुसार महामन्त्रीका प्रत्यासी गगनकुमार थापा र विश्वप्रकाश शर्मा निर्वाचित हुनुभएको हो।

कांग्रेस केन्द्रीय निर्वाचन समितिका अनुसार सबैभन्दा बढी मत गगनकुमार थापाले ३०२३ मत प्राप्त गर्नुभएको छ भने अर्का महामन्त्रीमा निर्वाचित विश्वप्रकाश शर्माले १९८४ मत ल्याउनुभएको छ । 

त्यसैगरी महामन्त्रीका अन्य उम्मेदवार क्रमशः डा प्रकाशशरण महतले १५५६, प्रदीप पौडेलले १३९३, डा मीनेन्द्र रिजालले ८०९ र राजाराम कार्कीले १०६ मत प्राप्त गर्नुभएको छ ।