काठमाडौं,१ पुस– नेपाली काँग्रेसको उपसभापतिमा धनराज गुरुङ र पूर्णबहादुर खड्का निर्वाचित हुनुभएको छ । बुधबार भएको उपसभापतिको मतगणनामा अन्य प्रतिस्पर्धीलाई पछि पार्दै गुरुङ र खड्का विजयी हुनुभएको हो ।

उपसभापतिका उम्मेदवार विजयकुमार गच्छदार गुरुङ संग झिनो मतको अन्न्ररले पराजित हुनुभएको हो । निर्वाचन समितिका अनुसार खड्का दुई हजार ७६ र गुरुङ १८ सय ६९ मत ल्याएर विजयी हुनुभएको हो । गच्छदारले १८ सय ६१ मत प्राप्त गर्नुभएको छ । त्यसैगरी चन्द्र भण्डारीले १५ सय ५१ मत पाउनुभएको छ । उपसभापति पदका उम्मेदवार महेश आचार्य, सुजाता कोइराला र दिव्यश्वरी शाह भने धेरै नै मतान्तरले पराजित हुनुभएको छ ।