स्मार्ट वालिङको सडक हिउँदमा हिलाम्मे

गोपाल जि टी

वालिङ,२९ मङ्सिर– स्मार्टसिटीको अवधारणा सहित अगाडि बढेको स्याङ्जाको वालिङ नगरमा मध्य हिउँदका बेलापनि सडक हिलाम्मे भएर नागरिकहरु सास्ती खेपिरहेका छन् । नगरपालिकाको केन्द्र मानिने वडा नम्वर ८ मा सडक हिलाम्मे भएर नागरिकहरुले सास्ती खेप्न बाद्य भएका हुन् । सिद्धार्थ राजमार्गमा पर्ने वालिङ बजार चोकदेखि झण्डै १ किलोमिटर दक्षिण मियालेटोल नजिकैको सडक पानीको निकास नहुँदा अस्तव्यस्त छ । झण्डै एक महिनादेखि सडक हिलाम्मे भएर हिडडुल गर्न समेत मुश्किल परिरहेको छ ।

स्मार्टसिटीका लागि विभिन्न सुचकाङ्कहरु तयार गरी आप्mना गतिविधि सञ्चालनमा ल्याएको नगरपालिकाले उद्घोष गर्दै आएका आएको छ । तर मध्य हिउँदका बेलामा पनि सवारी साधनमात्र नभएर पैदल हिँड्न समेत मुश्किल छ । यो क्षेत्रमा रहेका साढे तीन दर्जन घर परिवार प्रत्यक्ष प्रभावित भएका छन् । यहि बाटो भएर वालिङदेखि काफलडाँडा हुँदै चापाकोटसम्म जाने दर्जनौ साना गाडिहरु दैनिक गुडिरहेका हुन्छन् । यसका साथै धार्मिक, सांस्कृतिक तथा पर्यटकीय महत्व रहेको प्रसिद्ध गह«ौंसुर मन्दिरमा पनि यहि बाटो भएर जानुपर्छ । वडा अध्यक्ष कमल सुवेदीलाई पटक पटक गरेका गुनासाको कुनै सुनुवाई नभएको स्थानीयहरु बताउँछन् ।

स्थानीय मियाँले टोलवासीका साथै विपीचोकवासीको समेत पाइपात पर्नेहुँदा धेरैले सास्ती भोग्न बाद्य छन् । सडक विस्तारका नाममा करोडौं बजेट खर्च गरिएको भएपनि नालीको समेत व्यवस्था हुन नसक्नु दुःखको कुरा हो ।

सिंह दरबारको अधिकार स्थानीय सरकारमा आएको यहि हो त ? आज वालिङ नगरवासीहरुलाई यहि प्रश्नले सताइरहेको छ । सुनुवाई गर्नुपर्ने निकायले नै गुनासा र समस्या सुन्दैन भने अब कोसँग गुहार माग्ने ?भनी नागरिकहरु पिडामा छन् । स्थानीय निर्वाचन भएको ४ वर्ष पूरा भैसक्दासम्म पनि शाखा सडकको समेत व्यवस्थापन नहुनुले आम नागरिकहरुमा चासोको विषय बनेको छ ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal