फाइल तस्बिरः

स्याङ्जा,९ मङ्सिर– भोलीदेखि चितवनमा सुरु हुने नेपाल कम्युनिष्ट पार्टी (एमाले) को दशौं राष्ट्रिय महाधिवेशनमा विभिन्न पदमा उमेदवारी दिने आकांक्षीहरुले बिभिन्न माध्यामबाट आफ्नो उमेदवारी सार्वजनीक गरिरहेका बेला नेकपा एमालेकी केन्द्रीय सदस्य एवं पूर्व मन्त्री पद्माकुमारी अर्यालले सचिवमा उमेदवारी दिने तयारी गर्नुभएको छ ।

लामो समयदेखि एमालेको राजनीतिमा सकृय रहदै आउनुभएकी नेतृ अर्यालले आफुलाई एक बलियो दावेदारका रुपमा प्रस्तुत गर्नुभएको छ । एमाले अध्यक्ष केपी शर्मा ओलीको मन्त्री मण्डलमा रहेर तीन तीनवटा मन्त्रालय समाल्दा कामकै कारण चर्चामा आउनुभएकी पूर्व मन्त्री अर्यालले आफुले उमेदवारी दिने बताउनुभयो ।

अर्याल नेकपा (एमाले) स्याङ्जाको जिल्ला अध्यक्ष हुदै केन्द्रीय सदस्य बन्नुभएको हो । ओली सरकारमा रहेर सरकारको उपस्थिती देखिने गरी काम गरेकोले पनि आर्यालको मन्त्री कार्यकाल मन्त्रीरहदा सम्म मात्रै नभएर अहिले पनि चर्चामा छ । अर्याल मन्त्रीको रुपमा रहदा पहिलोपटक नेपालले नै सगरमाथाको उचाइँ नापने काम सम्पन्न गर्नुका साथै भारतले अतिक्रमण गरेको कालापानी, लीपुलेक र लिम्पिया धुरालाई समेटेर नेपालको नक्सा जारी गर्नुका साथै मालपोत कार्याललाई प्रविधी मैत्री बनाएर चर्चामा आउनुभएको थियो । पार्टीलाई गतिशिल्ता दिनुका साथै मज्बुद बनाउन आफुले उमेदवारी दिन लागेको नेतृ अर्यालले बताउनुभयो ।

यसै गरी जिल्लाबाट करिब आधा दर्जन नेताहरुले केन्द्रीय सदस्यमा उमेदवारी दिने तयारी गरेका छन् । केन्द्रीय सदस्यमा उमेदवारी दिनेहरु एमाले जिल्ला अध्यक्ष सूर्यप्रसाद गैरे (पारस), प्रतिनिधि सभासदस्य नारायणप्रसाद मरासिनी, गण्डकी प्रदेश सभासदस्य मोहनप्रसाद रेग्मी, कालीगण्डकी गाउँपालिकाका अध्यक्ष खिमबहादुर थापा, अनेरास्ववियुका पूर्व केन्दीय अध्यक्ष किशोर विक्रम मल्ल, शोभियत ढकाल लगायतले केन्द्रीय सदस्यमा उमेदवारी दिने तयारीमा लाग्नुभएको छ । नेताहरुले आआफ्ना नजिकका कार्यक्रता मार्फत उमेदवारीको घोषणा गर्ने कार्य सुरुभएको छ ।