वालिङ,२८असोज– चापाकोट नगरपालिका १० भुमरीघाटमा निर्माण गरिएको कृष्ण मन्दिरको नेपाल सरकारका सहसचिव थानप्रसाद पंज्ञानीले एक कार्यक्रमका बिच बिहीबार उद्घाटन गर्नुभएको छ ।
नवर्निमित मन्दिरको उद्घाटन गर्दै पंज्ञानीले समग्र चापाकोटको विकासको लागि आफ्नो तर्फबाट निरन्तर सहयोग गर्ने बताउनुभयो । विकास निर्माणका कार्यहरुमा सबैको सहभागिता र सहयोग आवश्यक पर्ने बताउदै गाउँको विकासमा सबैलाई एकजुट हुन समेत पंज्ञानीले आग्रह गर्नुभयो ।

चापाकोट १० लाई नमूना वडाको रुपमा विकास गर्न आफु लागिपर्ने उहाँले बताउनुभयो । सड्क खानेपानीका लगायत अन्य विकास निर्माणका काममा सबै एक भएर कार्य गरेमा सफल हुने पंज्ञानीले बताउनुभयो । डिभिजन बन कार्यालय स्याङ्जा मार्फत उपलब्ध गराइएको २० लाख रुपैँयामा मन्दिर निर्माण गरिएको स्थानीय बासिन्दा रेशमराज भट्टराईले जानकारी दिनुभयो ।