गोपाल जिटी

वालिङ,५ असोज– नेकपा एमालेका नेता स्थायी कमिटी सदस्य एवं पूर्व उपप्रधानमन्त्री टोप बहादुर रायमाझीले नेकपा एमालेले देशव्यापिरुपमा उथल पुथल ल्याउने बताउनु भएको छ ।

मङ्गलबार स्याङ्जाको वालिङमा आयोजित अगुवा कार्यकर्ता भेलालाई सम्बोधन गर्दै नेता रायमाझीले सही विचार, सही नेतृत्व, सही योजना र सही कार्यक्रमको आधारमा देश व्यापिरुपमा एमालेले उथल पुथल ल्याउने बताउनु भएको होे ।

आन्दोलनका समयमा स्याङ्जाका अधिकांश स्थानमा पुगेको स्मरण गर्दै नेता रायमाझीले आगामी निर्वाचनसम्ममा स्याङ्जा जिल्लाको कम्युनिष्ट आन्दोलनलाई शसक्त र प्रभावकारी पार्टी बनाउने उल्लेख गर्नुभयो । केन्द्रदेखि वडातहसम्म नेकपा एमालेले नतृत्व गर्नुपर्ने राष्ट्र, जनता र इतिहासको माग भएको नेता रायमाझीको भनाइ थियो । देशमा अहिले सकारात्मक र नकारात्मक दुवै बहस भैरहेको भइरहेको नेता रायमाझीले उल्लेख गर्नुभयो ।

नेता रायमाझीले भन्नुभयो, “हामी सकारात्मक पक्षको बहसमा वकालत गरिरहेका छौं, त्यसको पक्षमा अगाडि बढिरहेका छौं । सकारात्मक पक्षको स्थापित गर्न खोजिरहेका छौं, जुन सम्भव छ र हामी सक्छौं । दुनियाँमा नभएका र नकारात्मक इतिहास पनि देखा परेका छन्, आउने महाधिवेशनमा विश्वका राजनीति गर्ने व्यक्तिहरुले पनि यसको अध्ययन गर्नेछन् ।” उहाँले भन्नुभयो, “एमाले स्थापित नाम हो, यसमा कुनै विवाद र चिन्ता गर्नुपर्ने जरुरत छैन । सबैभन्दा ठूलो कुरा विचार र राजनीति हो, त्यसमा हामी ठीक छौं । हामी एकताको महान प्रकृयामा र निरन्तरतामाछौं । अरु बँचे खुचेका कम्युनिष्टहरुलाई पनि सँगै डो¥याउने छौं ।”

हिज अलि आलोकाँचो र हतारमा एकता गरिएको भन्दै अब त्यस्तो हुँदैन, परिपक्वता र योजना, विचार, कार्यक्रम, लक्ष्य र नेतृत्वको आधारमा पार्टी एकता हुने उहाँले उल्लेख गर्नुभयो । नेपालको राजनीतिक र कम्युनिष्ट आन्दोलनको मुख्य शक्तिकोरुपमा स्थापित गर्नेगरी आगामी चुनावसम्म त्यहाँसम्म पुग्ने लक्ष्य प्राप्त गर्ने समेत नेता रायमाझीको भनाई छ । प्रचण्ड प्रति लक्षित गर्दै नेता रायमाझीले भन्नुभयो आँपूmहरु पार्टी प्रवेश गरेको नभएर पार्टी एकताकै पक्षमा निरन्तर यहीँ नै छौं । त्यसैले हामी संस्थापन पक्ष हौं, उहाँहरु त भगौडा हो । हामीलाई त्यस्तो केही स्वार्थ थिएन र रहिरह्यौ. उहाँहरुको के के स्वार्थ थियो, पुगेन भाग्नुभयो । राष्ट्र, जनता, राजनीति, विचार, कार्यक्रम, देशको विकास र समृद्धिको कुरा ठुलो हो कि व्यक्तिगत स्वार्थ ठुलो हो ? उहाँहरु व्यक्तिगत स्वार्थ पूरा नभएको कारणले केही टुकडी लिएर हिड्नुभयो । उहाँहरुको पछि लागेर कहिँ पनि पुगिदैन भन्ने निष्कर्षका साथ एकतावद्ध भएर अगाडि बढिरहेको रायमाझीको भनाइ थियो ।

आजसम्म कसैले आँट गर्न नसकेको केपी ओलीको नेतृत्व र हाम्रो समर्थनमा लिपुलेक, कालापानी, लिम्पियाधुरालाई नेपालको हो भनी कार्यान्वयनमा ल्याउन पूर्वमन्त्री पद्मा अर्याल सफल भएको समेत रायमाझीले बताउनुभयो । यो गर्वको कुरा हो भन्दै यो भन्दा पहिला कसैले हिम्मत गरेको थियो ? भनी प्रश्न गर्नुभयो । यति मात्र नभएर भूकम्पले क्षत विक्षत पारेका संरचनाको पुनःनिर्माणदेखि नाकावन्दीको डटेर सामना गरेको नेता रायमाझीको भनाई छ । विकास र समृद्धिको क्षेत्रमा केपी ओली नेतृत्वले ऐतिहासिक काम गरेको अवस्थामा पार्टीभित्र रहेर व्यक्तिगत स्वार्थका कुरा लिएर प्रचण्ड र नेपाल समूहले गनगन गरेर निहुँ खोजिरहेको बताउनुभयो ।

नेता रायमाझीले यतिबेला अध्यादेश, परमादेश र जनादेशको चर्चा भैरहेको छ, देश भरिको राजनीतिलाई स्याङ्जालाई हेरे पुग्छ, हामी पार्टी एकताकै पक्षमा छौं, त्यसैले पनि आज हामी सँगैछौं तर एकता नचाहनेहरुको केही झुण्ड चोइटिएर माओवादी र समाजवादी बनेका छन् । अहिलेको गठवन्धनले ती सबै योजनालाई भत्काउने काम गरेको छ ।