वालिङ,८ साउन– हरिनास गाउँपालिकाका अध्यक्ष खिमनारायण मानन्धर बृद्ध भत्ता लिएर स्थानीय जनताको घरदैलोमै पुग्नुभएको छ । जिल्ला सदरमुकाम देखि निकै टढाको दुरीमा रहेको गाउँपालिकाम बृद्धभत्ता लिनको लागि बैंकमा जानुपर्ने बाध्यताले निकै सास्ती खेप्दैआएका बृद्धबृद्धाको गुनासो सुनेपछि अध्यक्ष मानन्धर भत्ता लिएर स्थानीयको घरमै पुग्नुभएको हो ।

गाउँपालिकाको वडा नम्बर १ खैरेकोट गाउँमा पुगरे अध्यक्ष मानन्धरले स्थानीय बृद्धबृद्धाहरुलाई भत्ताा वितरण गर्नुभएको हो । अध्यक्ष मानन्धरले भन्नुभयो स्थानीय सरकार भनेको जनताको सबैभन्दा नजिकको सरकार भएकाले जनाताको चाहाना अनुसार जनलाई सुविधा पुग्नेगरी काम गर्नुपर्ने बताउनुभयो । उहाँले भन्नुभयो, “धेरै बुवा आमाहरुले बैंकमा गएर भत्ता लिन आफुहरुलाई समस्या भएको गुनासो गर्नुभयो । त्यसैले उहाँहरुलाई सजिलो होस भनेर गाउँमै पुगेर भत्ता वितरण गरेकाहौ, यो कामले बृद्ध बाबाआमा धेरै खुसी हुनुभएको छ ।”
गाउँपालिकाले जनता संग अध्यक्ष कार्यक्रम समेत सञ्चालन गर्दै आएको छ । सो कार्यक्रम अन्तरर्गत अध्यक्ष गाउँगाउँमा पुगेर जनताको गुनासो सुन्नुका साथै समस्याहरु समेत समाधान गर्दै आएको गाउँपालिका अध्यक्ष मानन्धरले बताउनुभयो ।
बृद्ध भत्ता बैंक बाट लिने नियम बनाए संगै धेरै बृद्धबृद्धाहरुले सास्ती खेप्नुका साथै दुरदराजका गाउँहरुबाट बैंक सम्म आउँदा बैंकबाट बुजेको भत्ताको आधी रकम त गाडी भाडामै खर्चगर्नुपर्ने बाध्यतामा धेरै बृद्धहरु रहेकाछन् ।