दर्बेन्द्र देब खनाल

गल्याङ,९ असार– गल्याङ नगरपालिकामा शैक्षिक अन्तरसम्वाद कार्यक्रम सम्पन्न भएको छ । नगरपालिकाको शिक्षा युवा तथा खेलकुद शाखाको आयोजना र लक्ष्मी टेलिभिजनको सह आयोजनामा आज भएको शैक्षिक अवस्था र हाम्रो भूमिका विषयक अन्तर सम्बाद कार्यक्रममा नगरप्रमुख भुपराज अधिकारीले शिक्षा एक अमुल्य निधि भएकोले नैतिकता सहितको शिक्षा आजको आवस्यक्ता रहेको बताउनु भयो । उहाँले स्थानीय पाठयक्रमलाई महत्वदिदै समग्र बालबालिकालाई त्यसको महत्वका बारेमा जानकारी दिनुपर्ने बताउनु भयो ।

कार्यक्रममा बोल्ने बक्ताहरुले शिक्षा क्षेत्रमा अभिभावकको भूमीका, अनुशासन र अतिरिक्त क्रियाकलावको महत्वपूर्ण भूमीका रहेने भएकोले यस विषयमा सबैको ध्यान पुग्न अवश्यक रहेको बताएका थिए । कार्यक्रममा नगरभित्रका विद्यालयका प्रअका साथै शिक्षक प्रतिनिधीले आआफ्नो धारणा राखेका थिए भने नगरपालिकाको तर्फबाट प्रमुख प्रशासकीय अधिकृत दामोदर शर्मा, शिक्षा युवा तथा खेलकुद शाखाका प्रमुख केदार आचार्य , शिक्षा समिति सदस्य राजेन्द्र देब खनाल, प्रास हिमलाल भण्डारीले सहजीकरण गर्नु भएको थियो ।