रामपुर अस्पताललाई स्वास्थ्य सामग्री प्रदान
रामपुर,८ जेठ– कालीगण्डकी फाउन्डेशन नेपालले रामपुर अस्पताललाई स्वास्थ्य सामग्री प्रदान गरेको छ । कोरोना भाइरसको संक्रमणमा जोखिम मोलेर बिरामीको सेवामा निरन्तर खटिएका अस्पतालका स्वास्थ्यर्मीलाई फाउण्डेशनले ७० थान पिपिई र पाँच सय पिस सर्जिकल मास्क प्रदान गरेको हो ।
संस्थाका सल्लाहकार सन्दिप रानाको पहलमा भारतका विभिन्न संघ संस्थाको सहयोगमा प्राप्त सामग्री संस्थाका अध्यक्ष निलकण्ठ भण्डारीले अस्पताल विकास समितिका अध्यक्ष बासुदेव भट्टराईलाई हस्तान्तरण गर्नुभएको हो ।
स्वास्थ्य सामग्री हस्तान्तरण कार्यक्रममा रामपुर नगरपालिका उपप्रमुख विष्णुदेवी घिमिरे आचार्यले संस्थाले कोरोनाको महामारीको समयमा गरेको सहयोगप्रति धन्यवाद दिदै कोभिडको जोखिम बढ्दै गएको हुदा नेपाल सरकारले जारी गरेको स्वास्थ्य मापदण्ड पालना गर्न अनुरोध गर्नुभयो ।
अस्पतालका निमित्त मेडिकल सुपरिटेन्डेन्ट डाक्टर विजय परियारले टाढाबाट पनि सामान पठाएर सहयोग गरेमा संस्थालाई धन्यवाद दिदै विभिन्न संघ संस्थाले गरेको सहयोगले कोरोनासँगको लडाइमा थप आत्मबल बढेको बताउनुभयो । साथै उहाँले कोरोना संग लक्षण मिल्दोजुल्दो भएमा स्वास्थ्य संस्थामा सम्पर्क गरी स्वास्थ्यकर्मीको निगरानीमा बस्न समेत नागरिकलाई अनुरोध गर्नुभएको छ । समयमा परिक्षण गरे सजिलै निको हुने कोरोनासँग नडराउन तथा सचेत रहन आग्रह गर्नुभयो ।
अस्पताल संचालन विकास समितिका अध्यक्ष बासुदेव भट्टराईले स्वास्थ्यकर्मी सुरक्षित रहेमा मात्रै नागरिकले राम्रो सेवा पाउने बताउनुहुदै अस्पतालमा विभिन्न संघ संस्थाबाट सहयोग प्राप्त भइरहेका जानकारी दिनुभयो ।
रामपुर नगरपालिका वडा नं ५ का वडा अध्यक्ष तथा कोभिड रोकथाम तथा व्यवस्थापन समितिका अध्यक्ष हिमाल मल्लले रामपुरमा कोरोना सङ्क्रमीतका लागि नगरका वडा नं १, ९ र १० मा पाँच÷पाँच शैयाको आइसोलेशन कक्ष रहेको र रामपुर अस्पतालमा दस शैयाको आइसोलेशन कक्ष संचालनमा ल्याइएको जानकारी दिदै कोभिड रोकथाममा नगरपालिकाले अक्सिजन व्यवस्थापनदेखि विभिन्न सामग्रीको बन्दोबस्त गरी अगाडि बढिरहेको बताउनुभएको छ ।
कालीगण्डकी फाउन्डेशन नेपालले सामाजिक क्षेत्रमा काम गर्दै आएको संस्थाले एम्बुलेन्समार्फत कोरोना सङ्क्रमित बिरामीलाई घरदेखि अस्पताल सम्म उपचारका निम्ति सहयोग गरेको सचिव सीता डोटेलले जानकारी दिनुभयो ।
ताजा
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
आज भाइटीका, उत्तम साइत बिहान ११ बजेर ७ मिनेटमा
२०८३ कार्तिक २५ गते, बुधबार
तिहार पर्वलाई मर्यादित बनाउन स्याङ्जा प्रशासनको आग्रह
२०८३ कार्तिक २० गते, शुक्रबार
राम्दीमा बस र स्कुटरबाट १० हजार बढी पिस पटका बरामद
२०८३ कार्तिक २० गते, शुक्रबार
तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण
२०८३ कार्तिक १९ गते, बिहीबार
स्याङ्जामा स्कुटर दुर्घटना हुँदा आमाको मृत्यु, छोरी घाइते
२०८३ कार्तिक ६ गते, शुक्रबार
विजया दशमीकाे शुभकामना
२०८३ कार्तिक ४ गते, बुधबार
आज दशैँकाे टीका
२०८३ कार्तिक ४ गते, बुधबार
मकै भण्डारण गर्ने काइदा,घरभरी मकैका झुत्ती
२०८३ कार्तिक २ गते, सोमबार
न आफन्त रहे, न घरः छैन दसैँको रौनक
२०८३ आश्विन ३१ गते, शनिबार





















