स्याङ्जा,२१ वैशाख– कोरोना भाइरस (कोभिड १९) को दोस्रो चरणको संक्रमणको तिब्र रुपमा बढ्दै गएको अवस्थामा संक्रमणलाई मध्यनजर गर्दै फेदीखोला गाउँपालिकाले अक्सिजन सहितको सुविधा सम्पन्न २० बेडको आइसोलेस वार्ड तयार गरेको छ ।
गाउँपालिकाले तत्कालका लागि ३ नम्बर वडामा रहेको भाटखोला स्वास्थ्य चौकीमा २० बेडको आइसोलेस वार्ड तयार पारिएको गाउँपालिकाले जनाएको छ ।

गाउँपालिका अध्यक्ष घनश्याम सुवेदीले कोरोना संक्रमणको अहिलेको अवस्थालाई मध्यनजर गर्दा निकै समस्या आउने देखिएकोले पालिका बासिलाई उपचारमा कठिनाइ नहोस भनेर अक्सिजन सहितको सुविधा सम्पन्न आइसोलेस वार्डको निर्माण कार्यमा गाउँपालिका जुटेको बताउनुभयो । अध्यक्ष सुवेदीले भन्नुभयो, “यहि दरमा संक्रमणको अवस्था बढ्दै गएमा विरामीले उपचारको लागि बेडको अभावमा ज्यान गुमाउनुपर्ने अवस्था पनि आउन सक्छ । त्यसैले गाउँपालिका यतिबेला संरचना निर्माणमा जुटेको छ ।” अहिलेको अवस्थामा स्वास्थ्यनै पहिलो प्राथमिकता भएकोले गाउँपालिकाको अन्य स्थानमा पनि आवश्क्ता अनुसार आइसोलेस वार्ड तयारी गरिने समेत अध्यक्ष सुवेदीले बताउनुभयो ।