वालिङ,१ फागुन–भीरकोट नगरपालिका ५ पकानमा प्रथम आलु महोत्सव हुने भएको छ । यही फाल्गुन ७ र ८ गते प्रथम आलु महोत्सवको तयारीका लागि शनिबार छलफल कार्यक्रम गरिएको छ । कार्यक्रममा नगरप्रमुख छायाराम खनालले जिल्लामै पहिलो पटक आयोजना गरिएको आलु महोत्सवले कृषकहरुलाई प्रेरणा र उत्साहा जागेको भन्दै कृषिमा नयाँ आयाम थपिने बताउनुभयो ।
महोत्सव आयोजना सम्बन्धी छलफल तथा अन्तरक्रिया कार्यक्रममा बोल्दै नगर प्रमुख खनालले आलु महोत्सवबाट यस क्षेत्रका स्थानीयको मात्र नभई समग्र भीरकोट नगरपालिका र जिल्लाकै लागि राम्रो भएको बताउनुभयो ।

कार्यक्रममा वडा अध्यक्ष यामप्रसाद अधिकारी, पत्रकार अमृत अर्याल, कृषक पोतप्रसाद तिवारी, मोतिलाल पौडेललगायतले बोल्नुभएको थियो । कृषिको लागि निकै संभावना रहेको पकान फाँटमा यसपटक कृषकहरुले सामुहिक आलु खेति गरेका छन् ।
पकान फाँटमा यस पटक ३ सय रोपनी क्षेत्रफलमा सामुहिक आलु खेति गरिएको वडा अध्यक्ष अधिकारीले बताउनुभयो ।