वालिङ,३० माघ–हरिनास गाउँपालिकाको आठौं गाउँसभा सम्पन्न भएको छ । गाउँपालिकालाई आवश्यक पर्ने विभिन्न ऐनहरु पारित गर्दै आठौं गाउँसभा सम्पन्न भएको हो । गाउँसभालाई सम्बोधन गर्दै गाउँपालिका अध्यक्ष खिमनारायण मानन्धरले आफुहरु गाउँपालिकालाई विकासको तिब्र गतिमा अगाडी बढाउने योजना अनुसार काम गरिरहेको बताउदै हरिनास गाउँपालिकामा विकास निर्माणका धेरै कामहरु भएको बताउनुभयो । अध्यक्ष मानन्धरले पालिकालाई आवश्यक पर्ने ऐनहरु निर्माण सगै गाउँपालिकाका कामहरु गर्न सहज हुने बताउनुभयो । गाउँ सभाले ८ वटा विभिन्न ऐन तथा कार्यविधिहरु पारित गरेको छ ।

पारित ऐन तथा कार्यविधिहरुमा संस्था दर्ता, कृषि व्यवसाय प्रवद्र्धन, कृषि अनुदान वितरण कार्यविधि, सुत्केरी सग उपाध्यक्ष पोषण कार्यक्रम कार्यविधि ऐन २०७७ रहेका छिन् । त्यसैगरी भेलाले लेखा समितिको कार्य संचालन कार्यविधि, म स्वास्थ्य मेरो गाउँपालिका स्वास्थ्य कार्यक्रम कार्यान्वयन कार्यविधि, टोल विकास संस्था गठन तथा परिचालन र कन्टिजेन्सी रकम व्यवस्थापन र खर्च सम्बन्धि कार्यविधि २०७७ पारित गरेको गाउँपालिकाले जनाएको छ ।