स्याङ्जा,३ माघ– वरिष्ठ साहित्यकार देविप्रसाद वनवासीको ८१औँ जन्मोत्सवकाअवसरमा विविधतामा वनवासी नामक कृतिको लोकार्पण तथा बृहत काव्य गोष्ठी वालिङमा सम्पन्न भएको छ । वालिङ प्रज्ञा प्रतिष्ठानको आयोजनामा गरिएको कृति लोकार्पण तथा काव्य गोष्ठीका अवसरमा बोल्दै भीरकोट नगरपालिकाका प्रमुख छाँयाराम खनालले साहित्यकार वनवासीको साहित्य जगतमा अतुलनीय योगदान रहेको बताउनुभयो । नगरप्रमुख खनालले बहुआयामिक व्यक्तित्वको धनि रहनुभएका वनवासीका माध्यमबाट स्याङ्जाको नाम राष्ट्रिय स्तरमा पुगेको बताउनुभयो ।
कार्यक्रममा वालिङ नगरपालिका प्रमुख दिलिपप्रताप खाँण, गुप्ततारा स्मृति प्रतिष्ठानका अध्यक्ष अनन्तराज अर्याल लगायतले साहित्यकार वनवासीका बारेमा बोल्नुभएको थियो ।
कार्यक्रममा भेषजराज साहित्य प्रतिष्ठान, गुप्ततारा स्मृति प्रतिष्ठान र बैकल्पिक बाटो पृथक पाईलाले साहित्यकार वनवासीलाई दोसल्ला र प्रमाणपत्रले सम्मान गरेका थिए ।