वालिङ,५ माघ– विद्यार्थीलाई न्यानो कपडा वितरण गरिएको छ ।
लायन्स क्लब अफ वालिङ सिटि र लियो क्लब अफ वालिङ सिटिको संयुक्त आयोजनामा वालिङ २ को बाँसपानी आधारभूत विद्यालयका विद्यार्थीहरुलाई न्यानो कपडा वितरण गरिएको हो । लायन्स क्लब अफ वालिङका पुर्व अध्यक्ष एवं जोन चियर देवेन्द्रप्रसाद भट्टराईको जन्मदिनको अवसरमा विद्यार्थीलाई न्याने कपडा वितरण गरिएको हो ।
कार्यक्रममा लायन्स क्लबका डिस्ट्रिक को चिफ एड्भाईजर चण्डीप्रसाद अर्यालले जन्मदिनमा गरिने फजुल खर्च कटाएर सामाजिक तथा रचनात्मक काममा लाग्दा नयाँ पुस्तालाई समाजिक क्षेत्रमा लाग्न प्रेरणा बताउनुभयो । अनावश्यक खर्च कटाएर बचतका साथै केही रकम सामाजिक कार्यमा खर्च गर्नुपर्छ भन्ने सन्देश दिन लायन्सहरुले यो अभियान चलाएको अर्यालको अर्यालले बताउनुभयो । विद्यालयका ४८ जना विद्यार्थीलाई न्यानो कपडा वितरण गरिएको हो ।