फाइल तस्विरः

स्याङ्जा, २६पुस–प्रहरीले भरूवा बन्दुक एक थान र बन्दुकको नाल पाँच थान सहित एक व्याक्तिलाई पक्राउ गरेको छ । ईलाका प्रहरी कार्यालय चापाकोटबाट खटिएको प्रहरी अधिकृत सहितको टोलीले चापाकोट नगरपालिका ३ बस्ने ४७ वर्षीय गोपाल कामीलाई पक्राउ गरेको जिल्ला प्रहरी कार्यालय स्याङ्जाले जनाएको छ ।
गोप्य सूचनाको आधारमा कामीको घर खानतलासी गर्दा भरूवा बन्दुक र भरूवा बन्दुकको नाल बरामद गरीएको जिल्ला प्रहरी कार्यालयका प्रहरी नायव उपरीक्षक राजेन्द्रप्रसाद अधिकारीले जानकारी दिनुभयो । कामीलार्ई हातहतियार तथा खरखजना सम्बन्धी कसुरमा मुद्धा दर्ता गरी आइतबार जिल्ला अदालतबाट सात दिनको म्याद थप गरी अनुसन्धान भईरहेको प्रहरीले जनाएको छ । यसैबीच स्कुटर जलाउने युवकलाई प्रहरीले पक्राउ गरेको छ । यही पुस १४ आँधीखोला गाउँपालिका २ मडुवाका खिमानन्द सापकोटाको ग ४ प ९६३७ नम्बरको घर निजकै पार्किङ गरी राखिएको स्कुटर जलाईएको थियो । घटनाको सम्बन्धमा अनुसन्धान गर्दै जाँदा आँधीखोला ३ का २८ वर्षीय रबिन क्षेत्रीले सापकोटाको स्कुटर जलाएको खुल्न आएकाले प्रहरीले रबिनलाई पक्राउ गरेको हो । पक्राउ परेका रबिनलाई आपराधिक प्रवेश सम्बन्धी मुद्धा दर्ता गरी जिल्ला अदालतबाट एक हप्ताको म्याद थप गरी अनुसन्धान भईरहेको प्रहरीले जनाएको छ ।