स्याङ्जा,२४ पुुस– जिल्ला प्रहरी कार्यालय स्याङ्जाले आफ्नै बुहारीलाई जबरजस्ती करणी गरेको अरोपमा एकजनालाई पक्राउ गरेको छ । विगत चार वर्ष देखि मादक पदार्थ सेवन गरी ससुराले बुहारीलाई जवरजस्ती करणी गर्दै आएको भन्दै भन्दै प्रहरीमा जाहेरी परेपछि ६० वर्षीय बृद्ध पक्राउ परेकाछन् । ससुराले जवरजस्ती करणी गरेको भन्दै २१ वर्षीया महिलाले जाहेरी दिएपछि ससुरालाई पक्राउ गरिएको जिल्ला प्रहरी कार्यालयले जनाएको छ ।
पक्राउ परेका बृद्धलाई शुक्रबार जिल्ला अदालतबाट करणी सम्बन्धी कसुर जबरजस्ती करणी मुद्धामा पाँच दिनको म्याद थप गरी थप अनुसन्धान भईरहेको जिल्ला प्रहरी कार्यालय स्याङ्जाका प्रहरी नायव उपरिक्षक राजेन्द्रप्रसाद अधिकारीले जानकारी दिनुभयो ।