नारायण विश्वकर्मा

गल्याङ, १८ पुुस– हिन्दू जागरण नेपाल, स्याङ्जा शाखाले सनिबार छाँयाछेत्र मन्दिरको सरसफाई गरेको छ । वालिङ र भीरकोट नगरपालिकाको सिमानामा रहेको ऐतिहासिक तथा प्रसिद्ध छाँयाछेत्र शिव मन्दिर परिसरमा सरसफाई गरिएको हो ।
हिन्दू जागरण नेपाल स्याङ्जा शाखाका अध्यक्ष प्रेम सुजन शास्त्रीले मन्दिर सरसफाई कार्यक्रम संस्थाको सांकेतिक सुरुवात मात्र भएको बताउनुभयो । शास्त्रीले हिन्दू जागरण स्याङ्जाले धार्मिक हस्तक्षेप विरुद्ध आवाज उठाउनुका साथै रुढीवादी परम्परा र धर्मका नाममा हुने गलत कार्यहरुको प्रतिरोध गर्दै आएको बताउनुभयो । उहाँले समाजलाई धार्मिक र सांस्कृतिक बनाउनका निमित्त हिन्दू जागरणको जन्म भएकाले सम्पुर्ण जिल्लावासीहरुलाई गोलवन्द हुन आह्वान गर्नुभयो । मन्दिरको सरसफाई कार्य हिन्दू जागरण नेपाल स्याङ्जाका सहसचिव गोविन्द गैह्रेको संयोजकत्वमा भएको थियो ।