स्याङ्जा, २५ मङ्सिर, पुतलीबजारमा नगरपालिकामा एक घर एक करेसाबारी संगै नगरभित्रका सबै टोलमा नर्सरी निर्माण गर्ने अभियानको सुरुवात गरिएको छ । पुतलीबजार ३ बाडखोलामा रहेको सुर्याेदय क्लबले किसानले आफ्नो लागि आवश्यक पर्ने तरकारी आफै उत्पादन गरेर उपभोग गर्न हौसला प्रदान गर्ने उद्देश्यका साथ नगरपालीका भित्र रहेका टोलविकास संस्थाहरुलाई विउविजन वितरण गरेको हो । क्लबले नगरपालीका भित्र रहेका २ सय ९५ वटा टोल विकास संस्थाहरुलाई विउविजन वितरण गरेको जनाएको छ ।

नगरपालिका भीत्रका किसानहरुलाई तरकारी व्यवसाय तर्फ आकर्षण गर्नेउद्देश्यले पुतलीबजार नगरपालिका र युएनडीपीको आर्थीक सहयोग तथा सुर्याेदय क्लबको व्यवस्थापनमा कार्यक्रम सञ्चालन गरिएको नगरप्रमुख सीमाकुमारी क्षेत्रीले बताउनुभयो । नगरप्रमुख क्षेत्रीले भन्नुभयो, “पुतलीबजार नगरपालिकालाई तरकारीमा आत्मनिर्भर बनाउने उद्देश्यले एक घर एक करेसाबारी र एक टोल एक नर्सरीको अवधारणा ल्याएका हौ ।” किसानको लागि आवश्यक पर्ने सबै खालका औजारहरु समेत बेलाबेलामा नगरपालिकाले वितरण गर्दै आएको नगरप्रमुख क्षेत्रीले जानकारी दिनुभयो ।

तरकारीमा आत्मनिर्भर बनाउने कार्यक्रम अनुसार सुर्याेदय क्लबले किसानहरुलाई फुलगोपी, बन्दागोपी, साग, मुला र धनीयाका बिरुवा टोलविकास संस्था मार्फत वितरण गरेको छ भने किसानलाई टनेल, गडेउले मल, कुटानी पिसानी मेसिन र बाख्रा पालनका लागि लगायतका सामाग्रीहरु हस्तान्तरण गरिएको जनाएको छ ।
पुतलीबजार नगरपालिकाको रु १ करोड ३६ लाख र युएनडीपीको रु १ करोड गरि २ करोड ३६ लाखमा सुर्याेदय क्लब बाडखोलाले काम गर्दै आएको छ । सयुक्त कार्यक्रम गर्दा सफल भईने हुदा तीन वटा संस्था मिलेर काम गरेको क्लबका अध्यक्ष अनन्त कुमार श्रेष्ठले बताउनुभयो ।
कार्यक्रमबाट कोरोनाबाट प्रभावीत परिवार, महिला तथा जनजातीहरुलाई सहयोग पुग्ने नगरपालिकाले जनाएको छ ।