वालिङ, २५ कात्तिक- यमपञ्चक अर्थात् तिहारको अन्तिम दिन आज भाइटीका दाजुभाइलाई दिदीबहिनीले सप्तरङ्गी र माला लगाइदिएर मनाउने गरिन्छ।

 प्रत्येक वर्ष कात्तिक शुक्ल द्वितीयाका दिन मनाइने भाइटीका तिहारको मुख्य दिन हो । आज दिदीबहिनीले आफ्ना दाजुभाइको दीर्घायु, आरोग्य र समृद्धिको कामना गर्दै परम्पराअनुसार सप्तरङ्गी टीका लगाइदिनुका साथै मिठा-मिठा परिकार बनाएर खुवाउने चलन छ । दिदीबहिनीले दाजुभाइलाई टीका लगाएपछि दाजुभाइले पनि दिदीबहिनीलाई टीका लगाइदिने र आफुले सक्दाे दक्षिणा दिने परम्परा छ । 

बिहान ११ बजेर ७ मिनेट उत्तम साइत रहेको नेपाल पञ्चाङ्ग निर्णायक समितिले जनाएको छ । भने भाइटीका आज दिनभर लगाउन सकिने छ। राज्य सञ्चालकले भने साइतमै टीका लगाउनुपर्ने समितिका अध्यक्ष सहप्रा.डा पुरुषोत्तम भट्टराईले जानकारी दिनुभयो ।

यस वर्ष भाइटीका लगाइदिने दिदीबहिनी पूर्व र लगाउने दाजुभाइ पश्चिम तर्फ फर्केर लगाउदा राम्राे हुने पञ्चाङ्ग निर्णायक समितिले जनाएको छ।