वालिङ,१६ असार- वालिङ उद्याेग वाणिज्य संघकाे अध्यक्षमा अनुपमा ढुङ्गाना निर्विराेध निर्वाचित हुनुभएकाे छ। अध्यक्षमा उम्मेदवारी दिनुभएका निवर्तमान काेषाध्यक्ष खगुपति न्याैपानेले ढुङ्गानालाई समर्थन गरेपछि ढुङ्गाना निर्विराेध अध्यक्षमा निर्वाचित हुनुभएकाे हाे। निवर्तमान वरिष्ठ उपाध्यक्ष अध्यक्षमा निर्विराेध भए संगै वालिङ उद्याेग वाणिज्य संघकाे पहिलाे महिला अध्यक्ष बन्ने अवशर ढुङ्गानाले प्राप्त गर्नुभएकाे छ। ढुङ्गानालाई नेकपा एमालेले अध्यक्षकाे रुपमा अगाडि सारेकाे थियाे। यहि असार १२ गतेबाट सुरु भएकाे अधिवेशन सहमति नभएका पदहरुमा २१ गते मतदान द्वारा टुङ्गाे लगाउने ब्यवस्था मिलाइएकाे छ।

वरिष्ठ उपाध्यक्षमा शंकर डुम्रे र प्रकाश अर्याल विच प्रतिस्प्रदा हुने भएकाे छ। निवर्तमान महासचिव रमेश अर्यालले शंकर डुम्रेलाई समर्थन गरे संगै दुई पक्ष प्रतिस्प्रदा हुनेभएकाे हाे।

निवर्तमान महासचिव रमेश अर्यालले कांग्रेस एमाले गठबन्दन र रास्वपा विच अन्य पदमा प्रतिस्प्रदा हुने बताउदै अन्य केही पदमा पनि सहमतिकाे प्रयास भइरहेकाे जानकारी दिनुभयाे।

यध्यपी निर्वाचन समितिले भने अध्यक्षमा निर्वाचन भएकाे घाेषणा गर्न बाकी रहेकाे छ। निर्वाचनकाे प्रकृयामा रहेकाेले निर्विराेध भएपनि घाेषणा गरिएकाे छैन।

वरिष्ठ उपाध्यक्ष डुम्रे नेपाली कांग्रेस समर्थन व्यावसायी हुनुहुन्छ भने अर्याल रास्वपाका नेता एवं व्यावसायी हुनुहुन्छ।