युवा कवि न्यौपानेको “सिरौँला” विमोचन

गोपाल जिटी

वालिङ,१४ भदाै- युवा कवि पारिश्वर न्यौपानेको कविता सङ्ग्रह ‘सिरौँला’ विमोचन गरिएको छ । स्याङ्जाको वालिङ् नगरपालिका–१३ का युवा कवि न्यौपानेको पहिलो कवितासङ्ग्रह ‘सिरौँला’ आज शनिबार वालिङमा विमोचन गरिएको हो ।

कार्यक्रममा वरिष्ठ कवि एवम् महाकाव्यकार डा. नवराज लम्साल, गण्डकी प्रदेश सभा सदस्य भोजराज अर्याल, डा. शंकरप्रसाद गैरे, ध्रुवप्रसाद शर्मा पङ्गेनी, लक्ष्मीप्रसाद रेग्मी तथा लेखक न्यौपानेसहितले संयुक्त रूपमा कवितासङ्ग्रह ‘सिरौँला’ सार्वजनिक गर्नुभएकाे हो ।

पुस्तक सार्वजनिक गरेसँगै महाकाव्यकार डा. नवराज लम्सालले कवितासङ्ग्रहमा संग्रहित कविताहरु अत्यन्त सरल र सबैको मन–मनमा भिज्ने खालको रहेको बताउनुभयो । सरल भाषा शैलीमा लेखिएका कविताले पाठकको मन जित्नसक्ने डा. लम्सालकाे भनाइ थियाे । कविताले सरल भाषा शैलीसँगै आफ्नो इतिहास र भौगोलिकतालाई समेट्न सक्नुपर्छ । कुनै दल वा नेतालाई गाली वा आक्षेप लगाउने खालको हुन नहुने र त्यस्ता कविता कालजयी नहुने डा. लम्सालले औंल्याउनुभयाै ।

उहाँले भन्नुभयो, “ कविताले आफ्नो इतिहास र भौगोकितालाई समेट्न सक्नुपर्छ । कुनै दल वा नेतृत्वलाई गाली गर्ने कविता कालजयी हुँदैन । मानव जीवन र समाजलाई बोल्न सक्ने साहित्यिक सिर्जनाले दिगोपना पाउँछ ।” जसरी चामलबाट सिरौंला बनाउन परिश्रम लाग्छ त्यसैगरी युवा कवि न्यौपानेको सिर्जना पनि मिहिन र गुनिलो रहेको डा. लम्सालले व्यक्त गर्नुभयो । नेपाली साहित्यिक फाँटमा सिरौंला कृतिले गतिलो इट्टा थप्ने काम गरेको उहाँको भनाई थियो ।

कार्यक्रममा प्रदेश सांसद भोजराज अर्यालले साहित्यले ईतिहासलाई जीवित राख्न र वर्तमान समयमा भएका गतिविधिलाई कलमको माध्यमबाट बाहिर ल्याउन अहम भूमिका खेल्ने बताउनुभयो । समाजलाई सहि मार्गमा हिडाउँनसमेत साहित्यले मद्दत गर्ने उल्लेख गर्दै उहाँले सिरौँला एक कविताको दस्ता भएको उल्लेख गर्नुभयो ।

कार्यक्रममा डा. शंकरप्रसाद गैरे, ध्रुवप्रसाद शर्मा पङ्गेनी, लक्ष्मीप्रसाद रेग्मी र लेखक न्यौपानेसमेतले पुस्तकका बारेमा विमर्श गर्नुभएकाे थियाे ।

रत्नटीका साहित्य संगमबाट प्रकाशित कविता सङ्ग्रह सिरौँलामा १ सय ११ वटा कविताहरु छन् । पहिलो खण्डमा १८, दोस्रोमा ५८, तेस्रोमा १३ र चौथो खण्डमा २२ वटा कविताहरु संग्रहित छन् ।

ताजा

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

आज भाइटीका, उत्तम साइत बिहान ११ बजेर ७ मिनेटमा

२०८३ कार्तिक २५ गते, बुधबार

तिहार पर्वलाई मर्यादित बनाउन स्याङ्जा प्रशासनको आग्रह

२०८३ कार्तिक २० गते, शुक्रबार

राम्दीमा बस र स्कुटरबाट १० हजार बढी पिस पटका बरामद

२०८३ कार्तिक २० गते, शुक्रबार

तीन दशकको पीडा र एक्लोपन पछि जमुनाले पाइन् मानवसेवा आश्रमकाे संरक्षण

२०८३ कार्तिक १९ गते, बिहीबार

स्याङ्जामा स्कुटर दुर्घटना हुँदा आमाको मृत्यु, छोरी घाइते

२०८३ कार्तिक ६ गते, शुक्रबार

विजया दशमीकाे शुभकामना

२०८३ कार्तिक ४ गते, बुधबार

आज दशैँकाे टीका

२०८३ कार्तिक ४ गते, बुधबार

मकै भण्डारण गर्ने काइदा,घरभरी मकैका झुत्ती

२०८३ कार्तिक २ गते, सोमबार

न आफन्त रहे, न घरः छैन दसैँको रौनक

२०८३ आश्विन ३१ गते, शनिबार

प्रधानमन्त्री वालेन्द्र शाहद्वारा बडादसैँको शुभकामना

२०८३ आश्विन ३१ गते, शनिबार

2026 Copyrights Reserved at gandakisamachar.com

Designed & Developed By:Web House Nepal