वालिङ,२१ चैत- सञ्चार तथा सूचना प्रविधि मन्त्री पृथ्वीसुब्वा गुरुङले परम्परागत ढङ्गको शिक्षाले सामुदायिक विद्यालय नचन्ले बताउनु भएको छ । नेपाल सरकारका प्रवक्तासमेत रहनुभएका मन्त्री गुरुङले अझैपनि सामुदायिक विद्यालयहरु परम्परागत शैक्षिक प्रणालीमा रहेकाले यस्तो शैलीबाट शैक्षिक उन्नयन हुँन नसक्ने बताउनुभएको हो ।

स्याङ्जाको वालिङ १३ को खानीडाँडास्थित सरस्वती माध्यमिक विद्यालयको स्वर्ण महोत्सवमा सम्वोधन गर्दै सञ्चार तथा सूचना प्रविधि मन्त्री गुरुङले सामुदायिक विद्यालयहरु अब फरक र आधुनिक शैक्षिक प्रणाली अपनाउनुपर्नेमा जोड दिनुभयो । मन्त्री गुरुङले भन्नुभयो, “अब सामुदायिक विद्यालयहरु फरक ढङ्गबाट सञ्चालन हुँन आवश्यक छ । विद्यालयमा भौतिक पुर्वाधार मात्र नभई विद्यार्थीलाई तथा अभिभावकलाई उक्त विद्यालय पुग्न कत्तिको सहज भएको छ त्यतातर्फ पनि ध्यान दिन आवश्यक छ ।”

सामुदायिक विद्यालयहरुमा छात्रवासको व्यवस्था, स्कुल बस, पर्याप्त प्रयोगशाला, अतिरिक्त क्रियाकलापहरुलगायतमा ध्यान पु¥याउन आवश्यक रहेको मन्त्री गुरुङको भनाई छ । बोर्डिङ स्कुलमा मात्रै होस्टेल, स्कुल बसलगायतको सुविधा हुन्छ भन्ने मानसिकता चिर्नका लागि सामुदायिक विद्यालयले फरक तरिकाबाट अगाडि बढ्नुपर्नेमा उहाँको जोड थियो ।

राज्यले शिक्षाका क्षेत्रमा अहिलेसम्म अबौँ खर्च तथा लगानी गरेपनि सोही अनुसारको उपलब्धी हाँसिल गर्न नसक्नु दुःखदायी विषय भएको भन्दै सँधै परम्परागत शैलीमा हिँड्न नहुँने मन्त्री गुरुङले औंल्याउनुभयो । नयाँ ढंगबाट शैक्षिक क्षेत्रलाई अगाडि बढाउनपर्छ भनिरहँदा त्यहाँ खर्च तथा आवश्यक दरबन्दीको पनि आवश्यकता रहन्छ । यसका लागि अहिले विद्यार्थी भन्दा शिक्षक धेरै भएका विद्यालय पनि छन् । यसरी सरकारले पाल्न नसक्ने भन्दै मन्त्री गुरुङले पायक पर्ने ठाउँमा र विद्यालय मर्च गरेर स्कुल बसको सुविधासहित सञ्चालनमा y सरकार रहेको व्यक्त गर्नुभयो । योसँगै सामुदायिक विद्यालयहरुमा खेलकुद, सङ्गीत एवम् प्रविधियुक्त शिक्षणको व्यवस्थासहिनत लाग्नुपर्ने आजको आवश्यकता रहेको उहाँले उल्लेख गर्नुभयो । 

कार्यक्रममा नेपाल सरकारका पूर्व मन्त्री एवम् नेकपा (एमाले)का सचिव पद्माकुमारी अर्यालले पहिलाको तुलनामा शिक्षा क्षेत्रमा परिवर्तन आएको बताउनुभयो । यतिबेला शिक्षकहरुको आन्दोलन चलिरहेको प्रसङग जोड्दै नेता अर्यालले शिक्षकको पीडा र जायज माग प्रति आँफूहरू गम्भीर रहेको बताउनुभयो । व्यवस्था फेरिएको तर अवस्था नफेरिएको भन्ने भाष्य गलत रहेको उहाँले उल्लेख गर्नुभयो । उहाँले भन्नुभयो, “हामीले हाम्रा विद्यालयको आवश्यकता अनुसारको भौतिक पूर्वाधार निर्माण, गाउँटोल क्षेत्रमा भएका सडक विस्तार, खानेपानीको व्यवस्थालगायत विभिन्न गौरवका योजनाहरुलाई हेरौं ।

कार्यक्रममा प्रधानध्यापक यामबहादुर कुँवरले विद्यालयको बारेमा जानकारी गराउनु भएको थियो । २०४२ सालमा माध्यमिक र २०६४ उच्च माविसहित विद्यालय आज स्वर्ण महोत्सव मनाउने ठाउँमा आएको प्रधानाध्यापक कुँवरले उल्लेख गर्नुभयो । ३ सय १२ जना विद्यार्थी रहेको सरस्वती माविले आगामी शैक्षिक सत्रबाट आवसीयरुपमा सञ्चालन गर्ने तयारीमा लागेको उहाँले जानकारी गराउनुभयो ।

कार्यक्रमका अवसरमा स्वर्ण स्मारक अनावरण, विद्यार्थी प्रतिभा प्रस्तुत, मनकुमारी स्मृति छात्रवृत्ति वितरण, जग्गादाता, संस्थापक, पूर्व शिक्षक, चन्दादाताहरुलाई सम्मान, राष्ट्रिय कलाकार तथा विद्यार्थीहरुद्वारा विविध सांस्कृतिक कार्यक्रम प्रस्तुत गरिएको  थियो ।